اُترپریش کے وزیراعلیٰ یوگی سے ملا ہوا چیک باونس، بینک نے ٹاپر طالب علم سے لیا جرمانہ

Source: S.O. News Service | By I.G. Bhatkali | Published on 10th June 2018, 1:17 PM | ملکی خبریں | ان خبروں کو پڑھنا مت بھولئے |

لکھنو 10/جون (ایس او نیوز) اُترپردیش کے  دسویں بورڈ  امتحان میں امتیازی نمبرا ت کے ساتھ   ٹاپ کرنے والے طالب  العلم  کو وزیر اعلیٰ یوگی آدتیہ ناتھ سے ملا ہوا چیک باونس ہوگیا ہے۔ جس کے بعد بینک نے مذکورہ طالب علم سے جرمانہ لے لیا ہے۔ مذکورہ معاملہ اتر پردیش کے بارہ بنکی میں پیش آیا ہے ۔ بارہ بنکی کے ینگ اسٹریم انٹر کالیج میں پڑھنے والے آلوک مشرانے 10ویں میں 93.5 فیصد نمبرات حاصل کر کے ضلع میں ٹاپ کیا تھا۔ وہیں پورے صوبہ میں وہ ساتویں درجہ پرتھا۔

ضلع میں ٹاپ کرنے پر انہیں 29 مئی کو لکھنو  بلایا گیا تھا جہاں وزیر اعلیٰ یوگی نے انہیں ایک لاکھ کا چیک دیا۔ اس چیک پر بارہ بنکی کے ڈسٹرکٹ انسپکٹر آف اسکول ، راج کمار یادو کے دستخط تھے۔ واضح رہےکہ آلوک کے والد نے لکھنو کے حضرت گنج میں واقع بینک میں 5 جون 2018 کو چیک جمع کیا تھا۔ جب پیسہ آلوک کے اکاونٹ میں جمع نہیں ہوئے  تو انہوں نے بینک سے رابطہ کیا تب معلوم ہوا کہ چیک باونس ہو گیاہے۔

اس تعلق سے راج کمار یادو نے بتایا کہ بینک کے ذریعے اُنہیں بتایا گیا ہے کہ دستخط میں کچھ غلطی ہونے کی وجہ سے چیک باونس ہوا ہے، لیکن دوسرے کسی طلبا  کے ساتھ ایسا کوئی واقعہ  پیش نہیں آیا ہے۔انہوں نے مزید بتایا کہ   طالب علم کواب دوسرا چیک جاری کر دیا گیا ہے۔ بارہ بنکی کے ڈسٹرکٹ میجسٹریٹ ادے بھانو سے پوچھے جانے پر انہوں نے بتایا کہ  یہ معاملہ بے حد سنگین ہیں ، اگر غلطی پائی جاتی ہے تو کاروائی ہوگی۔

ایک نظر اس پر بھی

جماعت اسلامی نے عوامی منشور برائے پارلیمانی انتخابات جاری کیا

جماعت اسلامی ہندنے عوامی منشوربرائے پارلیمانی انتخابات 2019جاری کرتے ہوئے کہاہے کہ کسی بھی ملک میں صحت مند جمہوریت کی بقا کے لئے ضروری ہے کہ عوام اور سول سوسائیٹی اپنے لئے بہترین نمائندوں اور اچھی سیاسی جماعت کے انتخاب اور رائے وہی میں اقدامی اور فعال کردار ادا کریں۔ عوام سے ...

مودی کی ’چوکیدار مہم‘ پر پرینکا نے کہاراہل ٹھیک کہتے ہیں ’امیروں کا ہوتا ہے چوکیدار‘

وزیر اعظم نریندر مودی کی ’چوکیدار مہم‘ پر کانگریس جنرل سکریٹری پرینکا گاندھی نے زور دار حملہ کیا ہے۔پی ایم مودی کے پارلیمانی حلقہ وارانسی میں ایک اجتماع سے خطاب کرتے ہوئے پرینکا گاندھی نے کہا کہ غریب لوگوں کے چوکیدار نہیں ہوتے۔

مرکزی وزیر رام داس اٹھاؤلے کا بی جے پی۔شیوسینا کو انتباہ، کہا دلت ووٹ کو کم نہ گرداناجائے

مہاراشٹر میں بی جے پی، شیو سینا کو 23 نشستیں دے کر اپنے پالے میں رکھنے میں کامیاب ہو گئی ہے لیکن ریاست میں بی جے پی کی اتحادی پارٹی آر پی آئی کے لیڈر اور راجیہ سبھا ممبر پارلیمنٹ رام داس اٹھاولے کا بیان اس کی مشکلیں بڑھا سکتا ہے۔

ہوناور میں تمام سہولیات سے آراستہ پہلے "سٹی سنٹر " کا شاندار افتتاح : کئی برانڈڈ کمپنیوں کے اسٹال؛ خریداری کی ہر چیز ہوگی دستیاب

 ہوناورسمیت اطراف کے  عوام  کو اپنی ضروریات کی خریداری کے لئے  دور دراز شہروں میں جانے کی ضرورت  نہیں ہوگی کیونکہ شہر میں  ایک شاندار  ’’سٹی سنٹر  ‘‘ کا افتتاح عمل میں آیا ہے۔ کرناٹکا مائنارٹی ڈیولپمنٹ بورڈ کے سابق چیرمن سلیمان یو تلکھنی کے ہاتھوں آج  بروز پیر اس پہلے ...

بغیر لائسنس کا ریوالوررکھنے پر سابق وزیر آنند اسنوٹیکراوران کے 2 ساتھیوں پر کیس درج۔ ریوالور اور کار ضبط

لائسنس رینیو کیے بغیرریوالور رکھنے کے الزام میں سابق ریاستی وزیر اور درپیش پارلیمانی انتخاب میں جنتا دل اور کانگریس کے مشترکہ امیدوار سمجھے جانے والے آنند اسنوٹیکر اور ان کے دیگر ساتھیوں پر کیس درج کیا گیا ہے۔

بھٹکل مخدوم کالونی میں تیز رفتار کار کی اسکوٹر سے ٹکر؛ عمر رسیدہ شخص جاں بحق

مخدوم کالونی  کے قریب بندر روڈ پر ایک تیز رفتار کار کی اسکوٹر سے ہوئی ٹکر میں اسکوٹر سوار  جاں بحق ہوگیا جس کی شناخت محمد عمر کنڈنگوڑا (76) کی حیثیت سے کی گئی ہے۔ حادثہ اتوار رات قریب 10:30بجے پیش آیا۔