حیدرآباد :23/نومبر (ایس او نیوز/آئی این ایس انڈیا) ٹی آر ایس سربراہ کے چندر شیکھر راؤ مودی اور بی جے پی پر جم کرحملہ بولا ہے ۔ چندرشیکھر راؤ نے کہا کہ وزیر اعظم نریندر مودی اور بی جے پی کو ایک بیماری ہے، جس سے فرقہ وارانہ افراتفری ہوتی ہے اور اسی وجہ سے انہوں نے تلنگانہ میں مسلمانوں کے لئے ملازمتوں میں ریزرویشن میں اضافہ پر روک لگا دی۔. نگراں وزیر اعلی راؤ نے ریاستی اسمبلی میں قرارداد منظور ہونے کے باوجود ریاستی حکومت کی ملازمتوں اور تعلیمی اداروں میں مسلمانوں اور دلتوں کے لئے ریزرویشن بڑھانے کے فیصلے کو روک کر رکھنے کے لئے مرکز کی تنقید کی۔ نرسام پیٹ میں انتخابی ریلی میں انہوں نے کہا کہ نریندر مودی اور بی جے پی کو ایک بیماری ہے۔ ہر چیز میں وہ ہندو مسلمان کی تفریق کی لکیر نظر آتی ہے ۔ اس کے علاوہ انہیں کچھ اور نظر نہیں آتا اس لیے وہ ایسا (ریزرویشن بڑھانا) نہیں کرتے،انہوں نے اسے ملتوی کر دیا ہے۔محمودآباد میں دوسری انتخابی ریلی سے خطاب کرتے ہوئے ٹی آر ایس صدر نے اپنے الزام دہرائے اور مرکز پر مذہبی افراتفری کا الزام لگایا۔ چندر شیکھر راؤ نے مزید کہا کہ اگلے سال تلنگانہ کی تمام 17 لوک سبھا سیٹوں پر ٹی آر ایس امیدواروں کے منتخب ہوں گے وہ اس بات کو یقینی بنائیں کہ ریزرویشن کی حد بڑھانے کا مطالبہ مانا جائے۔ 
آسام میں گرینیڈ حملے میں دو ہلاک، کئی زخمی