بھارت بند کی وجہ سے مینگلوراور اُڈپی میں پرائیویٹ بس سروس ہوگی متاثر؛ ٹرانسپورٹ سروس نہ ہونے سے اسکول اور کالجس بھی بند ہونے کے امکانات

Source: S.O. News Service | By Shahid Mukhtesar | Published on 9th September 2018, 1:48 PM | ساحلی خبریں | ریاستی خبریں |

منگلورو 9؍ستمبر (ایس او نیوز) پٹرول اور ڈیزل کی قیمتوں میں روز افزوں اضافے کے خلاف کانگریس اور دیگر تنظیموں نے 10ستمبر کو جو آل انڈیابند کا اعلان کیا ہے، اسے دیکھتے ہوئے منگلورو اور اڈپی ضلع میں پرائیویٹ بس والوں نے اپنی سروس بند رکھنے کا فیصلہ کیا ہے۔

کینرا بس اونرس ایسو سی ایشن کے صدر راج ورما بلّال اوردکشن کنڑا بس اونرس ایسو سی ایشن کے صدر دلراج آلوا کی طرف سے جاری کی گئی پریس ریلیز کے مطابق پٹرول اور ڈیزل کی قیمتوں میں مسلسل اضافے کے باوجود بسوں کے کرایے پر نظر ثانی نہ کرنے کے خلاف متعلقہ محکمہ جاتی افسران کے سامنے احتجاجی مظاہرہ کیا جائے گا۔

اُدھر سرکاری بس سروس بھی بند کئے جانے کا اعلان کرنے کے بعد  پورے ضلع دکشن کنڑا اور اُڈپی میں ٹرانسپورٹ سروس بند ہوجائے گی جس کے نتیجے میں  اسکولوں اور کالجس میں بھی چھٹی ڈکلیر کرنا ضروری ہوجائے گا۔ اس سلسلے میں  مینگلور اور اُڈپی میں کئی ایک تعلیمی اداروں نے  پیر 10 ستمبر کو چھٹی کا اعلان کردیا ہے۔

منگلورو کے تاجروں نے بند کے دوران کاروبار جاری رکھنے کے لئے مانگی سیکیوریٹی
ایک طرف ایندھن کی بڑھتی قیمتوں کے خلاف10ستمبرکو ملک گیر بند کا اعلان کیاگیا ہے تو دوسری طرف  منگلورو کے تاجروں نے کاروبار جاری رکھنے کا فیصلہ کرتے ہوئے اپنے لئے تحفظ کا مطالبہ کیا ہے۔

اطلاع کے مطابق مینگلور کے اولڈ بندر ہول سیل کیرانہ اینڈ ایلائڈ مرچنٹس ایسو سی ایشن نے سیکیوریٹی طلب کی ہے کہ بند کے دوران کوئی ناخوشگوار واقعہ پیش نہ آئے اس بات کو یقینی بنانے  انہیں پوری طرح تحفظ فراہم کیا جائے۔اس ضمن میں تاجروں کی ایسو سی ایشن نے ڈپٹی کمشنر سسی کانت سینتھل اور سٹی پولیس کمشنر ٹی آر سریش کو دئے گئے میمورنڈم میں کہا ہے کہ :’’12اور13ستمبر کو گوری ۔گنیش تہوار منایا جانے والا ہے۔ اس وجہ سے ہم لوگ ایک دن کے لئے اپنا کاروبار معطل نہیں کرسکتے۔ ایسوسی ایشن کے تمام اراکین10ستمبر کو حسب معمول اپنا کاروبار جاری رکھیں گے۔لہٰذا ہمیں کاوربار پرامن طریقے پرجاری رکھنے کے لئے تحفظ فراہم کیا جائے۔‘‘

ایک نظر اس پر بھی

منگلورو کے گمشدہ نوجوان کی لاش تملناڈو میں دستیاب۔ قتل کیے جانے کا شبہ

گنجی مٹھ کے رہنے والے سمیر (35سال) کے والد احمد نے پولیس میں گم شدگی کی شکایت درج کی گئی تھی اور بتایا گیا تھا کہ اپنی بیوی ا وربچی کو ساتھ لے کر ہوائی جہاز کے ذریعے بنگلورو جانے کے بعد وہ لاپتہ ہوگیا ہے اور اس کی بیوی ااپنی بچی کے ساتھ کاپ میں واقع اپنے مائیکے واپس پہنچ گئی تھی۔

بھٹکل تعلقہ میں 24 ستمبر سے ’’سوچھیتا ہی سیوا‘‘ صفائی مہم کا آغاز:تعلقہ انتظامیہ نے کی  عوام سے شرکت کی اپیل

24ستمبر سے 08اکتوبر 2018تک تعلقہ بھر میں تعلقہ انتظامیہ ، بھٹکل بلدیہ اور جالی پنچایت کی طرف سے مشترکہ طورپر  ’’ سوچھیتا ہی سیوا ‘‘  کے عنوان سے عوامی خدمت اور پاکی صفائی پروگراموں کا انعقاد کئے جانے کی تحصیلدار کی طرف سے جاری کردہ پریس ریلیز میں جانکاری دی گئی ہے۔

اتر کنڑاضلع لوک آیوکتہ ایس پی کے ذریعے عوامی شکایات کی سماعت : 24ستمبر کو  بھٹکل کا دورہ

ضلع کے مختلف تعلقہ جات میں 24ستمبر سے 26ستمبر تک لوک آیوکتہ پولس سپرنٹنڈنٹ  اور ڈی وائی ایس پی عوام سے شکایات کی سماعت اور اس تعلق سے تحریر ی عرضیاں حاصل کر نے پریس ریلیز کے ذریعے جانکاری دی گئی ہے۔

سیلاب زدہ کورگ کیلئے اضافی تعاون کا اعلان فی کنبہ 50ہزار روپئے رقم دینے کا فیصلہ

ورگ ضلع میں حال ہی میں ہوئی موسلا دھار بارش اور سیلاب کی وجہ سے کئی گھر تباہ وبرباد ہوگئے ۔ متاثرہ کنبوں کیلئے کپڑے اور روز مرہ کی ضروریات کی خریداری کے مقصد سے وزیر اعلیٰ ریلیف فنڈ کے تحت فی کنبہ 50ہزار روپئے اضافی رقم جاری کرنے کا ریاستی حکومت نے فیصلہ کیا ہے۔

سدارامیا کے دست راست ضمیر احمد خان حکومت کی حفاظت کی خاطر ناراض اراکین اسمبلی کو منانے میں سرگرداں

سابق وزیر اعلیٰ سدارامیا کی ترغیب پر جے ڈی ایس کو خیر باد کہتے ہوئے کانگریس میں شمولیت اختیار کرنے والے بی زیڈ ضمیر احمد خان مخلوط حکومت کی حفاظت پر مامور دکھائی دے رہے ہیں، سدارامیا کے ناراض اراکین اسمبلی کو منانے کی کوشش میں بی زیڈ ضمیر احمد خان سرگرم ہوگئے ہیں، ناراضی کی لہر ...

ریاستی مخلوط حکومت کو گرانے میں بی جے پی بری طرح ناکام لوک سبھا انتخابات پر توجہ مرکوز کرنے کی ہدایت ، آخری دم تک فرقہ پرستی کے خلاف لڑتا رہوں گا:سدارامیا

ریاستی مخلوط حکومت میں ساجھیدار کانگریس اور جے ڈی ایس کے اراکین اسمبلی کے درمیان جن اختلافات کا فائدہ اٹھا کر اپوزیشن بی جے پی نے پچھلے دو ہفتوں سے آپریشن کنول کے ذریعہ مخلوط حکومت کو گرانے کی جو کوشش کی تھی ،اب وہ ناکام ہوچکی ہے۔

ویمن انڈیا موؤمنٹ کی جانب سے 23 ستمبر کو بنگلور سے شروع ہورہی ہے خواتین کے تحفظ کو لے کر ملک گیر مہم

ویمن انڈیا موؤمنٹ (Women India Movement) نے 23ستمبر 2018تا 8 مارچ 2019 " خواتین پر تشدد بند کرو " اور "ّ آئیے ہمارے تحفظ کیلئے لڑائی لڑیں " کے نعروں کے تحت  ایک ملک گیر مہم  شروع  کرنے کا اعلان کیا ہے جس کے لئے  ملک کی خواتین سے اپیل کی گئی  ہے کہ وہ اس ملک گیر تحریک میں شامل ہوکر اپنے حالات ...

جنوبی ہند کے مشہور ومعروف عالم دین حضرت مولانا زکریا والا جاہی کا انتقال

نوبی ہند کے مشہور ومعروف،ممتاز جیدعالم دین زکریا صاحب والا جاہی طویل علالت کے بعد آج صبح 10؍بجے اپنے مالک حقیقی سے جاملے۔ مولانا کو شیواجی نگرکے براڈوے کی ان کی رہائش پر آخری دیدار کے لئے رکھا گیا تھا۔