بی ایس این ایل نے شروع کی ملک کی پہلی انٹرنیٹ ٹیلی فونی سروس

Source: S.O. News Service | By Shahid Mukhtesar | Published on 12th July 2018, 11:24 AM | ملکی خبریں | ان خبروں کو پڑھنا مت بھولئے |

نئی دہلی،12؍جولائی (ایس او نیوز؍ایجنسی)سرکاری ٹیلی مواصلات خدمات فراہم کرنے والی بھارت سنچار نگم لمیٹیڈ (بی ایس این ایل) نے ملک میں پہلی مرتبہ انٹرنیٹ ٹیلی فونی سروس شروع کی ہے۔
وزیر مواصلات منوج سنہا نے آج یہاں بی ایس این ایل کے کارپوریٹ دفتر میں ایک تقریب میں یہ سروس لانچ کی۔ اسے ’ونگس‘ کا نام دیا گیا ہے۔

کمپنی کے چیف جنرل منیجر انل جین نے بتایا کہ بی ایس این ایل کے صارفین اپنے اسمارٹ فون ‘ ٹبلیٹ یا لیپ ٹاپ پر ایس آئی پی کلائنٹ نام کا ایپ ڈاون لوڈ کرکے اپنے ڈیوائس سے انٹرنیٹ کالنگ کرسکیں گے۔انہوں نے بتایا کہ اس سروس کے استعمال کے لئے کسی سم کارڈ کی ضرورت نہیں ہوگی۔ دنیا میں جہاں کہیں بھی کسٹمرکے ڈیوائس میں وائی فائی یا کوئی دیگر انٹرنیٹ کنکشن ہے وہ اس ایپ کے ذریعہ سے کالنگ کرسکے گا۔ یہ ویڈیو کالنگ اور کانفرنسنگ کالنگ کو بھی سپورٹ کرتا ہے۔ کسٹمر اپنے ڈیوائس میں موجود کانٹیکٹ لسٹ کا بھی استعمال کرسکے گا۔

مسٹر سنہا نے امید ظاہر کی کہ اس نئی سروس سے کمپنی کا ریونیو اور بازار میں حصہ داری بڑھانے میں مدد ملے گی۔ انہوں نے کہا کہ کمپنی ملک میں یہ سروس دینے والی پہلی کمپنی ہے۔ دیگر کمپنیاں بھی اس سیکٹر میں آئیں گی۔

بی ایس این ایل کے افسروں اور ملازمین کو خطاب کرتے ہوئے مرکزی وزیر نے کہا کہ انہیں یہ یقینی بنانا چاہئے کہ وہ اس سیکٹر کے سب سے بڑے سروس پرووائیڈر بنے رہیں۔

انٹرنیٹ ٹیلی فونی نیکسٹ جنریشن نیٹ ورک کا استعمال کرتا ہے جو کالنگ اور ڈاٹا دونوں کے لئے معقول ہے ۔ ا س سے کسٹمر اپنے لینڈ لائن نمبر کو بھی آیس آئی پی کلائنٹ ایپ سے جوڑ سکتا ہے۔ کالنگ کے لئے انٹرنیٹ کنکشن بی ایس این ایل کا ہونا ضروری ہے۔

مسٹر جین نے بتایا کہ آنے والے دنوں میں انٹرنیٹ ٹیلی فونی پر ایس ایم ایس اور وہائٹس ایپ سہولت فراہم کرانے کے لئے تکنیکی کام چل رہا ہے۔

ٹیلی مواصلاتی سروس ریگولیٹری ٹرائی نے 24اکتوبر 2017 کو انٹرنیٹ ٹیلی فونی کی اجازت دینے کی سفارش کی تھی۔ ٹیلی مواصلات کی وزارت نے گذشتہ 19جون کو یہ سروس شروع کرنے کے لئے بی ایس این ایل کو منظوری دی اور ایک ماہ سے بھی کم وقت میں کمپنی نے اسے لانچ کردیا۔

ایک نظر اس پر بھی

پروٹوکول توڑنے میں مودی نے عمران سے مقابلہ کیا، سفارتی ناکامی پر جواب دیں: کانگریس

کانگریس نے سعودی عرب کے شہزادہ (ولی عہد) محمد بن سلمان کا پروٹوکول سے الگ جاکرخوش آمدید کئے جانے کو لے کر بدھ کو وزیر اعظم نریندر مودی پر حملہ بولا اور الزام لگایا کہ پروٹوکول توڑنے میں مودی تو گویا پاکستانی وزیر اعظم عمران خان کے ساتھ، جیسے مقابلہ کر رہے ہیں۔

پلوامہ حملہ: اب آندھرا پردیش کے وزیراعلیٰ چندرا بابو نائیڈو نے مودی حکومت کو گھیرا، کہا، قومی سلامتی خطرے میں ہے

پلوامہ دہشت گردانہ حملے کو لے کر پاکستان کے وزیر اعظم عمران خان کے بیان پر رد عمل ظاہر کرتے ہوئے آندھرا پردیش کے وزیراعلیٰ این چندرا بابو نائیڈو نے مرکز کی مودی حکومت پر نشانہ لگایا ہے۔

این سی ڈی آرسی نے آپریشن کے دوران لاپرواہی برتنے والے ڈاکٹر متاثرہ خاندان کو 2.7 لاکھ روپے ادا کرنے کا حکم دیا

قومی صارفین تنازعہ سراغ رساں کمیشن(این سی ڈی آرسی) نے آپریشن کے دوران لاپرواہی کی وجہ سے ایک خاتون کی موت کے معاملے میں تین ڈاکٹروں کو متاثر خاندان کو پر 2.7 لاکھ روپے ادا کرنے کا حکم دیا ہے۔

ہوناور: ہیسکام کے افسران راستہ بھٹک گئے۔ پوری رات جنگل میں گزارنے پر ہوئے مجبور

گیر سوپّا ڈیم کے علاقے میں گھنے جنگل سے گزرنے والی 33کے وی بجلی لائن کا معائنہ کرنے کے لئے نکلی ہوئی ہیسکام افسران اور عملے پر مشتمل ایک ٹیم میں شامل دوافسران جنگل میں راستہ بھٹک گئے جس کی وجہ سے انہیں پوری رات جنگل ہی میں گزارنی پڑی ۔

بھٹکل مجلس احیاء المدارس کے زیراہتمام انوکھی نوعیت کا  ’اجتماعی قرأت مقابلے ‘کا خوبصورت انعقاد : قرآن فیصلہ کن ، ممتاز ،مسلسل پڑھی جانی والی واحد کتاب ہے

مجلس احیاء المدارس بھٹکل کے زیر اہتمام مخدوم کالونی میں واقع مدرسہ دارالتعلیم و التربیہ میں 19فروری 2018بروز منگل کی رات منعقدہ اپنی نوعیت کے پہلے ’’اجتماعی قرأت مقابلہ ‘‘میں جامعہ اسلامیہ چوک بازار بھٹکل اول، جامعہ اسلامیہ بھٹکل کے شعبہ ثانویہ دوم اور جامعہ اسلامیہ کارگدے ...

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔

ہاسن کے قریب ہوئے سڑک حادثہ میں گنگولی کے ایک ہی خاندان کے چار لوگ زندہ جل کر ہلاک

گنگولی کے گُجّاڈی کے رہنے والے ایک ہی خاندان کے چار افراد  ہاسن کے قریب چنّا رائے پٹن نامی مقام پر سڑک حادثہ میں زندہ جل کر ہلاک ہوگئے جن کی شناخت وویویک نائیک (38)، ان کی اہلیہ ریشما نائیک (34)، نو سالہ بچی وننتی اور پانچ سالہ بچہ ویگنیش کی حیثیت سے کی گئی ہے۔

ڈاکٹر کے ہریش کماراب اُترکنڑا کے نئے ڈپٹی کمشنر؛ ایس ایس نکول کا بنگلور تبادلہ

ضلع اُترکنڑا کے ڈپٹی کمشنر ایس ایس نکول کا بنگلور تبادلہ کرنے کے ساتھ ہی ڈاکٹر کے ہریش کمار کو ضلع کا نیا ڈپٹی کمشنر مقرر کیا گیاہے۔ بتایا گیا ہے کہ ریاست کے گورنر کے حکم پر ان دونوں کے تبادلے ہوئے ہیں۔