بھٹکل میں رابطہ تعلیمی ایوارڈ کا خوبصورت پروگرام؛ ڈپٹی سی ایم اورپرسنل لاء بورڈ کے سکریٹری کی شرکت؛ ہونہار طلبہ میں تقسیم کئے گئے ایوارڈس ( ایوارڈ کی مکمل لسٹ)
بھٹکل11/اگست (ایس او نیوز) بھٹکل میں ہر سال کی طرح امسال بھی رابطہ سو سائٹی کی جانب سے ہونہار طلبہ و طالبات کی ہمت آفزائی کے لئے رابطہ تعلیمی ایوارڈ کا خوبصورت پروگرام، انجمن ہائی اسکول گرائونڈ میں جمعہ 10/اگست کو منعقد کیا گیا جس میں دسویں ،پی یو سی، گریجوئٹ اور مدارس کے عالیہ درجات کے امتحانات میں نمایاں کامیابی حاصل کر نے والے طلبہ و طالبات کو انعامات اور اسناد سے نوازا گیا ۔ اجلاس میں مہمان خصوصی کے طور پر شریک کرناٹکا کے نائب وزیر اعلی جی پرمیشور نے کامیاب طلبہ کو مبارکباد پیش کرتے ہوئے کہا کہ تعلیم انسانی زندگی میں نمایا ں تبدیلی پیدا کرتی ہے۔
انہوں نےکہا کہ تعلیم انسان کے اندرون میں بھی انقلاب برپا کرتی ہے اور انسانی ذہن سازی کا بھی یہ ایک بہترین ذریعہ ہو تی ہے ۔ مزید کہا کہ آج کل ہندوستانی نوجوان بڑے پیمانے پر پروفیشنل کورسس کر کے ملک کو کامیابی کی راہ پر لے جا رہے ہیں ۔ اعداو شمار کے حوالے سے انہوں نے واضح کیا کہ ہمارے ملک میں ہر سال 70ہزار داکٹرس ، 5لاکھ سے زائد انجنیئرس ، اور لاکھوں کی تعداد میں گریجویٹس بن کر ملک کی تقدیرسنوارنے میں لگے ہیں ۔ انہوں نے کہا کہ خوش آئند بات یہ بھی ہے کہ غیر مقیم ہندوستانیوں نے دورے ممالک میں بھی اپنی صلاحیتوں کا لوہا منوایا ہے ۔ ملک کی موجودہ صورتحال پر تبصرہ کرتے ہوئے انہوں نے کہا کہ ملک کے دستور نے یہاں سب کو یکساں حقوق دئیے ہیں اس لئے کسی کو بھی ڈر اور خوف کے ماحول میں رہنے کی ضرورت نہیں ہے ۔
وزیرداخلہ کی بھٹکل آمد؛ کچھ جھلکیاں |
کرناٹک کے ڈپٹی وزیراعلیٰ جی پرمیشور، جن کے پاس وزیرداخلہ کا بھی قلمدان ہے، جمعہ صبح مینگلور ائرپورٹ سے بذریعہ روڈ قریب 11:30 بجے بھٹکل پہنچے، پھر یہاں سے پڑوسی تعلقہ ہوناور کے ایڈگونجی مندر پہنچ کر پوجاپاٹ کی،وہاں سے سیدھے وہ بھٹکل کے معروف مولانا بنگلہ یعنی جناب یونس قاضیا کی رہائش گاہ پہنچے، یہیں پر دوپہر کے کھانے کا انتظام تھا، جہاں سے وہ کرناٹک کے سابق وزیرمرحوم ایس ایم یحیٰ کی رہائش گاہ پہنچے اور ان کی خدمات کا اعتراف کرتے ہوئے پرانی باتوں کی یاد تازہ کی۔ یہاں سے موصوف سرکیوٹ ہائوس پہنچ کر اعلیٰ پولس آفسران کے ساتھ میٹنگ منعقد کی۔ بند کمرے میں انہوں نے پولس کے اعلیٰ حکام سے بات چیت کی، جہاں میڈیا والوں کو بھی اندر جانے کی اجازت نہیں تھی۔ ساحل آن لائن سے گفتگو کرتے ہوئے جی پرمیشور نے کہا کہ مرحوم ایس ایم یحیٰ ان کے سیاسی گرو ہیں، انہوں نے ہی مجھے سیاست میں لایا تھا۔ رابطہ تعلیمی ایوارڈ پروگرام میں بھی موصوف نے اس بات کو دہراتے ہوئے کہا کہ جب وہ اسٹریلیا میں اپنی تعلیم مکمل کرکے واپس بنگلور آئے تھے تو مرحوم ایس ایم یحیٰ نے ان سے کہا تھا کہ مجھے سیاست میں آنا چاہئے، جب میں نے ان کی بات پر ہنسنا شروع کیا تو انہوں نے کہا کہ وہ کوئی مذاق نہیں کررہے ہیں، بلکہ سنجیدگی کے ساتھ کہہ رہے ہیں کہ مجھے سیاست میں آنا چاہئے۔ انہوں نے مجھے بعد میں دہلی میں اُس وقت کے وزیراعظم راجیو گاندھی سے ملوایاتھا اور کئی کانگریسی لیڈران سے ملاقات کرواتے ہوئے کانگریس میں شامل کیا تھا۔ جی پرمیشور نے کہا کہ وہ آج جو کچھ بھی ہیں، وہ مرحوم ایس ایم یحیٰ کی بدولت ہیں۔ |
انہوں نے کہا کہ دیگر ریاستوں کے مقابلے میں کرناٹکا میں طلبہ کو بہتر مستقبل کی تعمیر کے مواقع ہیں ، یہاں ،طب انجینیرنگ اور قانون سیکھنے کے بے شمار مواقع ہیں ۔انہوں نے عوام و خواص سے اپیل کی کہ ریاست میں کا نگریس جے ڈی ایس کی مخلوط حکومت میں کوئی ڈر اور خوف محسوس نہ کریں۔
اجلاس سے خطاب کرتے ہوئے معروف دانشوراور آل انڈیا مسلم پرسنل لاء بورڈ کے سکریٹری نیز بابری مسجد ایکشن کمیٹی کے کنوینر ایڈوکیٹ ظفر یاب جیلانی نے کہا کہ نے ملک کی اقلیتوں کو کسی بھی حکومت سے کوئی ڈر اور خوف محسوس کرنے کی ضرورت نہیں ہے۔ انہوں نے کہا کہ سپریم کورٹ کے تیرہ ججوں نے کہا ہے کہ کوئی حکومت تو در کنار پارلیمنٹ بھی دستور کے بینادی اصولوں کو نہیں بدل سکتی ۔ جس طرح ہمارے دستور نے ہمیں اپنے مذہب پر عمل کی آزادی دی ہے بالکل اسی طرح اس دستور نے ہمیں تعلیم حاصل کر نے کا بھی حق دیا ہے ۔رابطہ تعلیمی ایوارڈ کے اجلاس سے خطاب کرتے ہوئے انہوں نے سر سید کی تعلیمی خدمات کا ذکر کرتے ہوئے کہا کہ ملک کی بدترین صورتحال میں بھی سر سید نے اپنی قوم کی تعلیم کی فکر کرتے ہوئے ملک بھر کے دورے کئے اور لوگوں کو تعلیم کی اہمیت سےآگاہ کیا ۔ مہمان مقر نے اردو زبان سے متعلق گفتگو کرتے ہوئے واضح کیا کہ اردو کا مستقبل مدارس سے جڑا ہوا ہے جس کو دیکھ کر اندازہ ہوتا ہے کہ اردو زبان یہاں زندہ رہے گی ۔ انہوں نے کہا کہ بابری مسجد کا فیصلہ مسلمانوں کے حق میں ہونے کی انہیں پوری امید ہے ۔
حسن ابن عبدالغفور فقی بھائو کی تلاوت کلام پاک سے جلسہ کا آغاز ہوا، بھٹکل مسلم جماعت دبئی کے جنرل سکریٹری محمد یوسف برماور نے مہمانوں کا استقبال کیا، بھٹکل مسلم خلیج کونسل کے جنرل سکریٹری یونس قاضیا نے رابطہ کا تعارف اور رپورٹ پیش کیا، خلیج کونسل کے عہدیدار تنویر جوشیدی نے پروگرام کی نظامت کی، بھٹکل مسلم جماعت دبئی کے سابق سکریٹری ابرارالحق موٹیا اور بھٹکل مسلم جماعت ایسٹرن پرونس کے ایکزی کوٹیو جاوید کولا نے تعلیمی ایوارڈ کی تفصیلات پیش کرتے ہوئے ایوارڈ حاصل کرنےوالے طلبہ و طالبات کو ایک کے بعد ایک اسٹیج پر مدعو کیا، جنہیں مہمانان کے ہاتھوں ایوارڈ سے نوازا گیا۔ کونسل کے صدر زاہد رکن الدین نے صدارتی خطاب کرتے ہوئے آخر میں شکریہ ادا کیا، جبکہ مرکزی خلیفہ جماعت المسلمین بھٹکل کے قاضی مولانا خواجہ معین الدین اکرمی مدنی کی دُعا پر جلسہ مغرب کی اذان کے کچھ منٹ قبل برخواست ہوا۔
اسٹیج پر کانگریس لیڈر نویدیت آلوا، ویسٹرن رینج انسپکٹر جنرل آف پولس ارون چکرورتی، نائب قاضی بھٹکل جماعت المسلمین مولانا عبدالعظیم قاضیا ندوی، ریٹائرڈ پولس آفسر جی اے باوا، بھٹکل مسلم جماعت ایسٹرن پروینس کے صدرمحمد اقبال ائیکری موجود تھے۔
اس بار انجمن گرلز ہائی اسکول نوائط کالونی کو بیسٹ اسکول کے اعزاز سے نوازا گیا۔ انجمن حامئی مسلمین بھٹکل کی طرف سے صدر عبدالرحیم جوکاکو، جنرل سکریٹری صدیق اسماعیل اور ایڈیشنل سکریٹری اسحاق شاہ بندری نے رولنگ شیلڈ وصول کی۔
امسال رابطہ کی جانب سےجن ہونہار طلبہ و طالبات سمیت بیسٹ ٹیچر، بیسٹ اسکول کا ایوارڈ دیا گیا، اُن کی تفصیلات ذیل میں پیش کی جارہی ہے۔
RABITA AWARD WINNERS FOR 2018
S .No | Name | % | Institution |
SSLC toppers in Bhatkal | Muslim Management schools & colleges | ||
1 | Zainab D/o Syed Usman Barmaver | 97.12% | Naunihal Central School |
2 | Ruqayya D/o Abdul Qadir Jailani Kobatte | 95.68% | Naunihal Central School |
3 | Maryan D/o Syed Hussain Shabbir | 95.04% | Naunihal Central School |
PUC 2nd (Science) Topper | |||
4 | Sirajunnisa D/o Mohammed Fahim Africa | 93.67% | Anjuman PU College For Women |
PUC 2nd (Commerce) Topper | |||
5 | Namra Takreem D/o Anwar Saleem Hajib | 97.83% | Anjuman PU College For Women |
PUC 2nd (Arts) Topper | |||
6 | Nazneen D/o Akbar Sab Malligar | 90.00% | Anjuman PU College FOr Women |
Graduation (Bcom) Topper | |||
7 | Farheen Dilkash D/o Mohammed Muallim | 94.57% | Anjuman College For Women |
Graduation (BA) Topper | |||
8 | Thaiyya Taskeen D/o Abdullah Shaikh | 89.11% | Anjuman College For Women |
Graduation (BSc) Topper | |||
9 | Bibi Saliha D/o Ziyauddin Kola | 89.71% | Anjuman College For Women |
Graduation (BBA) Topper | |||
10 | Maryan Hira D/o Mohammed Irshad Ikkeri | 87.75% | Anjuman Institute of Management & Comp. Appn |
Graduation (BCA) Topper | |||
11 | Iqra Anjum D/o Ahmed Shaikh | 87.27% | Anjuman Institute of Management & Comp. Appn |
Toppers in Alimiyat | |||
12 | Syed Jamal Hussain S/o Syed Umer Maliki | 83.92% | Jamia Islamia Bhatkal |
13 | Mohammed Umair S/o Mohammed Irfan Goltay | 82.85% | Jamia Islamia Bhatkal |
14 | Zainab Zuhad D/o Abdul Malik Kadli | 93.50% | Jamiatus Salihat |
Topper in PUC 2nd Out of Bhatkal | |||
15 | Zulekha Shifa D/o Afzal Hussain Ruknuddin | 90.40% | Sri Durga Malleshwara S M K VIajayawada |
Gulf CBSE 10th Grade | |||
16 | Fatima Arwa D/o Afzal Hussain Siddiqa | 92.00% | Gems Our Own Eng High School, Dubai |
17 | Fatima Sahwah D/o Mohammed Siddiq | 91.20% | The Central School, Dubai |
18 | Fatima D/o Ismail Jaleel Mohtesham | 89.80% | International Indian School, Al Khobar |
Gulf CBSE 12th grade | |||
19 | Mohammed Mazen S/o Mohammed Asif Damda | 93.20% | The Indian High School, Dubai |
Canara Khaleej Council PUC II | |||
20 | Rana Sadaf D/o Mohammed Sadique Dabapu | 92.17% | National PU College For Women, Murdeshwar |
District Toppers PUC II | |||
21 | Maitri D/o Suresh Hegde | 98.16% | M.E.S PU College, Sirsi |
22 | Teja D/o Raghavendra Hegde | 98.16% | M.E.S PU College, Sirsi |
23 | Sanjana D/o Sanjeev Nayak | 98.16% | Himalaya PU College, Ankola |
Extra ordinary Achievement | |||
24 | Abdul Bais S/o Abdul Basit Kadli | 1st Rank | Chemical Engineering, Siddaganga Inst. Of Tech. Tumkur |
25 | Khadija D/o Mohammed Saleem Kola | Attorney & Counselor to Practice in all courts of the State of California | |
Best Teacher of the year | |||
26 | Mueena S.M D/o Abdur Rahman Batin | New Shams School | |
Usman Hassan Rolling Shield | Best school of the year | ||
27 | Anjuman girls high school Nawayat colony, Bhatkal |