بھٹکل:25/فروری    (ایس او نیوز) ویلفئیر پارٹی آف انڈیا اترکنڑا ضلعی شاخ کے زیر اہتمام یوتھ اجلاس کی مناسبت سے منعقدکئے گئے ’’ نوجوانون  کی بیداری ۔ ملک کی ترقی ‘‘ ضلعی سطح کے مضمون نویسی مقابلے میں کاروار کی پریتی ونایک کامت نے پہلا انعام حاصل کیاہے۔ بھٹکل ودیا بھارتی ہائی اسکول کی ہشتم جماعت کے متعلم آدرش ایچ نائک دوم اور زکیہ ایچ زرزری نے سوم انعام حاصل کئے ہیں۔ اس بات کیاطلاع ویلفئیر پارٹی کے ضلعی جنرل سکریٹری شوکت خطیب نے پریس ریلیز کے ذریعے دی ہے۔

انعام یافتہ مساہمین کو26فروری کی شام پبلک چبوترے پر منعقد ہونے والے یوتھ اجلاس میں سند اور نقد انعام سے نوازا جائے گا۔ اخباری بیان میں بتایا گیا ہے کہ بی سدراجو(لکچرر)مڈکیری ، شریمتی سندھیا شری دھر بھٹکل ، دیوی داس نایک سرسی، سندیپ بھٹ ہوناور، اجئے پانڈیل ڈانڈیلی، جی یو نایک انکولہ ، پرسنا کمار جی اے سرسی ، مانس پی ہیگڈے سرسی تشجیعی انعامات کے حق دار بنے ہیں۔