بھٹکل:14/اگست (ایس اؤنیوز)تعلقہ کے تلگوڈ دیہات کے شری جٹگیشور مندر صحن میں تلگوڈ نامدھاری فلاح و بہبودی سنگھ کے زیر اہتمام بچوں کو قابلیت ایوارڈ، کتابوں کی تقسیم اورتہنیتی پروگرام کا انعقاد ہوا۔بھٹکل نامدھاری سماج کے صدر ایم آر نائک نے دیا سلائی کے ذریعے پروگرام کا افتتاح کرنے کے بعد خطاب کرتے ہوئے کہاکہ سماجی ترقی کے لئے تعلیمی کو ترجیح دیں۔ طلبا اعلیٰ تعلیم کی طرف بڑھیں گے تو سماج بھی ترقی کی راہوں پر چلے گا، تعلیم کے ساتھ بہتراخلاق کو بھی اپنا کر والدین کے ساتھ اچھا برتاؤ کرنےکی بات کہی۔
تلگوڈ کوٹا کے صدر کے آر نائک نے پروگرام کی صدارت کرتے ہوئے کہاکہ 20اگست کو طبقہ کے افراد کے لئے مزدور رجسٹریشن پروگرام کا اہتمام کیا گیا ہے سماج کے تمام مزدور اس سے استفادہ کرنے کی اپیل کی ۔ فوج سے ریٹائرڈ ہوئے ستیش نائک ماوین کوروے اور منی پال اسپتال کے لئے اپنا جسم عطیہ کئے رام داس نائک، اجپن منے اورنامدھاری سماج کے صدر ایم آر نائک کی تہنیت کی گئی ۔ دیہات کے ذمہ داران تمیا نائک، جٹپا نائک اور وینکٹیش نائک ڈائس پر موجود تھے۔ گوئیدیا نائک نےا ستقبال کیا تو وینکٹیش نائک نے افتتاحی کلمات پیش کئے ، وینکٹ رمن نائک نے شکریہ اداکیا۔ تلگوڈ شاخ کے جنرل سکریٹری دیو نائک نے نظامت کی۔