بھٹکل تعلقہ کے شرالی ، ماولی اور ماروکیری میں سہکاری سنگھ کے انتخابات : کانگریس ایک قدم آگے
بھٹکل:14/جولائی (ایس اؤ نیوز) تعلقہ کے شرالی ، ماولی اور ماروکیری سہکاری سنگھ کے لئے ہوئے انتخابات کے ووٹوں کی گنتی سنیچر کی رات تک جاری ہے، سبھی تینوں سنگھ میں کانگریس کے حمایت یافتہ ممبران کا اقتدار حاصل کرنا تقریباً طئے ہے۔
خاص کر شرالی سنگھ کے انتخابات بہت اہم مانے جارہے تھے جہاں حریفوں کے درمیان کڑا مقابلہ تھا ۔ سنگھ کے سابق صدر وینکٹیش نائک چتراپور سمیت 8نشستوں پر کانگریسی امیدوار منتخب ہوئے ہیں تو 4پر بی جے پی کے حق میں گئے ہیں۔ ماولی میں بھاسکر موگیر بئیدنمنے کی قیادت میں کانگریس نے 10پر جیت درج کی ہے تو بی جے پی صرف 2پر کامیا ب ہوئی ہے، یہاں 7ممبران بلامقابلہ منتخب ہوئے ہیں جس میں 5کانگریس کے حمایتی ممبران ہیں۔ ماروکیری میں بھی کانگریس کے حمایتی آگے ہیں، غیر قرضہ داروں کے حلقہ سے شیوانند ہیبار نے جیت کاجھنڈالہرایا ہے۔ اتوار کو جالی ، بھٹکل اور بیلکے سنگھ کے انتخابات ہونے ہیں۔سنگھ کے انتخابات میں بی جے پی کی سیاسیت کے ساتھ ساتھ سابق رکن اسمبلی منکال وئیدیا اور رکن اسمبلی سنیل نائک کے حمایتیوں کے درمیان جنگ چھڑی ہوئی ہے۔ دیکھنا ہے کہ اونٹ کس کروٹ بیٹھتاہے۔