بھٹکل:22/اگست (ایس اؤنیوز)7ویں پے کمیشن اور دیگر اپنے جائز مطالبات کو پورا کرنے کی مانگ لے کر بھٹکل پوسٹ آفیس کے سامنے تعلقہ دیہی پوسٹ ملازمین کا احتجاج 7ویں دن بھی جاری رہا۔

پوسٹ ملازمین روزانہ صبح 10بجے سے دوپہر 1بجے تک پوسٹ آفیس کے سامنےدھرنے پر بیٹھ کر اپنی مانگوں کو پورا کرنے کا مطالبہ کررہے ہیں، پوسٹ ملازمین نے 7ویں پے کمیشن کے کملیش چندر کی رپورٹ کو جاری کرنےکی اہم مانگ رکھی ہے۔ اس کے علاوہ پوسٹ ملازمین کو مستقل کرنے ، ان کے اوقات کو طئے کرنے پر زور دیاہے۔ احتجاجیوں کا کہنا ہے کہ جب تک ہماری مانگیں پوری نہیں کی جائیں گی ہمارا احتجاج جاری رہے گا۔ دھرنے میں پوسٹ ملازمین شنکرنائک جالی ، گوپال ہڈیل ، جگناتھ موگیر، اندرا مٹھلی ، وندنا بیلکے وغیرہ شریک تھے۔