بھٹکل:16/اگست (ایس اؤنیوز)تعلقہ دیہی علاقوں کے محکمہ ڈاک خانہ کے ملازمین نے 7ویں پے کمیشن کے طورپر کملیش چندر کی طرف سے سونپی گئی رپورٹ کو جاری کرنے کا مطالبہ لے کر احتجاج کیا۔
ملازمین نے احتجاج کے دوران زور دیا کہ تمام جی ڈی ایس ملازمین کے وقت کی مدت 8گھنٹے شمار کرتے ہوئے انہیں مستقل کیا جائے۔ دہلی اور چنئی کی عدالتوں کے فیصلے کے مطابق جی ڈی ایس ملازمین کو پنشن جاری کی جائے۔ ٹارگیٹ کے نام پر ملازمین پر جوظلم ڈھایا جارہاہے اس کو ختم کرنے کی پوسٹ کے ملازمین نے مانگ رکھی ہے۔ شنکر بی نائک جالی، منجوناتھ نائک منڈلی ، جگناتھ موگیر شرالی ، گوپال گونڈ، نیترا گونڈ کائی کنی وغیرہ موجود تھے۔