بھٹکل تعلقہ یلووڑی کوؤور میں بچہ شادی کو روکنے میں افسران کامیاب
بھٹکل:5؍ڈسمبر (ایس او نیوز) ٍتعلقہ کے یلووڑی کوؤور گرام پنچایت حدود کے گنیش نگر کے مکین سہودیو راجپا بوگڈی نے ایک ماہ پہلے اپنی 14سالہ بیٹی کی ہبلی میں مقیم اپنی بڑی آپا کے بیٹے کے ساتھ نسبت طئے کی تھی۔گاؤں والوں کی طرف سے جب اس بچہ شادی کے متعلق شکایت ملی تو محکمہ اطفال کی کارگزار افسر سوشیلا موگیر اپنے عملے کے ساتھ شادی گھر پہنچ کر بچہ شادی کو روکنےکی جانکاری دیر سے موصول ہوئی ہے۔
بچہ شادی کو لےکر مقامی لوگوں سےملی اطلاع پر متعلقہ گھر محکمہ اطفال کی افسر سوشیلا موگیر ،زونل نگراں کار، مہیلا کیندر کی نگراں کار ، اسکول اساتذہ اور خواتین پولس عملے کے ساتھ پہنچ کر گھروالوں سے بچہ شادی کے متعلق بات چیت کرتے ہوئے جانکاری حاصل کی۔ اس دوران پتہ چلا کہ ہبلی کے جگدیش نگر کے گنیش رجک فرانسس نامی 22سالہ نوجوان کے ساتھ ہبلی کے انڈی پمپ اسرونی نامی محلہ میں 6نومبر کو خاندان والوں کی موجودگی میں نسبت ہونے کا پتہ چلا۔ لڑکی 24نومبرکو اسکول میں غیر حاضر رہنےپر اساتذہ گھر پہنچ کر لڑکی کے متعلق پوچھا تو گھروالوں نے کہلا بھیجا کہ لڑکی دوہفتہ بعد اسکول آئے گی۔ اور افسران کو بتایا کہ لڑکی اپنے بڑے باپ کے گھر ہبلی گئی ہوئی ہے۔
سبھی افسران نے پوری جانکاری لینے کے بعد گھروالوں کو بچہ شادی قانون کے متعلق پوری تفصیلات بتائیں، بچہ شادی ایک جرم ہے اور اس سے ہونے والے نقصانات کے متعلق جانکاری دی اور اپنی بیٹی کی شادی 18سال کی عمر کے بعد کرنےکا تحریری وعدہ لےکر افسران لوٹنے کی بات کہی جارہی ہے۔