بھٹکل شاہین اسپورٹس سنٹرمخدوم کالونی کے زیر اہتمام فاطمہ علی ہال میں خون عطیہ کیمپ کا انعقاد

Source: S.O. News Service | By Abu Aisha | Published on 14th November 2017, 7:28 PM | ساحلی خبریں |

بھٹکل:13/ نومبر (ایس اؤنیوز)شاہین اسپورٹس سنٹر مخدوم کالونی بھٹکل کے زیراہتمام بلڈ ہیلپ لائن کرناٹکا(ر) کے اشتراک اور بھٹکل مسلم یوتھ فیڈریشن ،ریڈکراس سوسائٹی منگلورو کے تعاون سے مخدوم کالونی کے فاطمہ علی ہال میں بروز منگل 14نومبر کو منعقدہ خون عطیہ کیمپ میں شہر کے نوجوان سمیت کل 172افراد نے خون عطیہ کیا۔

مولانا نعمت اللہ عسکری خطیب و امام جامع مسجد مخدوم کالونی کے دعائیہ کلمات اور مولانا کے خون عطیہ سے کیمپ کا افتتاح ہوا۔ افتتاح کرتے ہوئے مولانا نے کہاکہ اللہ نے انسانی جسم کے لئے بہت ساری ضروریات کو رکھا ہے اس میں ایک اہم ضرورت خون بھی ہے۔ انہوں نے کہاکہ خون عطیہ سے کتنے ہی مریض اچھے ہوجاتے ہیں اورکتنے بیمار ٹھیک ہوجاتے ہیں۔ ہر اسپتال میں اس کی موجودگی کا بہت اہتمام کیا جاتاہے۔ خون سے ہی انسان صحت مند رہتاہے۔ بعض دفعہ خون نہیں ملنے سے لوگ پریشانی میں مبتلا ہوجاتے ہیں۔ شاہین اسپورٹس سنٹر مخدوم کالونی نے اس خون عطیہ کیمپ کا مقصد اللہ کو راضی کرنے کے لئےانعقاد کیا ہے، اللہ ان کی خدمات کو قبول کرے اس موقع پر انہوں نے تمام منتظمین سمیت شاہین اسپورٹس سنٹر کے عہدیداران اور ممبران کو مبارکبادی پیش کی۔

کیمپ صبح 8بجے سے دوپہر 3بجے تک جاری رہا ۔جس میں 172افراد نے خون عطیہ کیا۔کیمپ میں منگلورو کے ڈاکٹر ایڈروڈ کی نگرانی میں کل 13عملے کی ٹیم نے کیمپ میں شریک رہے۔ اس موقع پر شاہین اسپورٹس سنٹر کے ذمہ داران نے عوام سے اپیل کی ہے کہ جب کبھی انہیں خون کی ضرورت محسوس ہو وہ مندرجہ ذیل افراد سے رابطہ کرکے خون حاصل کرسکتے ہیں۔فیڈریشن صدر امتیاز ادیاور9620310550۔محمد مبشر ہلارے 9972818849۔سمیع اللہ 9986965352۔

تقریب کا آغازحافظ محمد مزمل ہلارے کی تلاوت کلام پاک سے ہوا۔ شاہین اسپورٹس کے سکریٹری محمد مبشر ہلارے نے استقبال کیا ۔سنٹر کے صدر محمد صادق مٹا نے پروگرام کی صدارت کی اور امشاد مختصر نے کلمات تشکر ادا کئے۔ اس موقع پر جماعت المسلمین مخدوم کالونی کے صدر اقبال سعیدی ، جنرل سکریٹری مولانا شجاع الدین ندوی ، محمد عثمان ہلارے، شاہین سنٹر کے سکریٹری سمیع اللہ اٹل،فیڈریشن کے صدر امتیاز ادیاور،سکریٹری عبدالواجد کولا، تنظیم کے جنرل سکریٹری محی الدین الطاف کھروری، اسرار جمشید ،مختار مختصر، نثار خان،حسن شبر بک پٹن، ففیاض بیندور، سماجی کارکن نذیر قاسمجی ، نثار رکن الدین ،اشرف سعدا وغیرہ موجود تھے۔

ایک نظر اس پر بھی

جنوری 21 کو ہوگا انجمن حامئی مسلمین بھٹکل کا سالانہ جلسہ؛ ممبران سے بھاری تعداد میں شرکت کی اپیل

بھٹکل کا قومی تعلیمی ادارہ انجمن حامئی مسلمین کا سالانہ جلسہ مورخہ 21 جنوری بروز اتوار صبح 10:30 بجے انجمن جوکاکو شمس الدین میموریل بلڈنگ میں منعقد کیا گیا ہے جس میں سالانہ آڈٹ شدہ حسابات برائے سال 2016 / 2017 پر مشتمل سالانہ رپورٹ پیش کیا جائے گا۔ جلسہ میں ممبران کو انجمن کی ...

بھٹکل سرکاری اسپتال کی بدنظمی کے متعلق میڈیا میں رپورٹ شائع ہونےکے بعد ضلعی میڈیکل آفیسر کا اسپتال دورہ : تعلقہ میڈیکل آفیسر پر الزامات کی بوچھار

بھٹکل سرکاری اسپتال میں 9ڈاکٹرس خدمات پر مامور ہونے کے باوجود پیر کے دن کوئی بھی ڈاکٹر حاضر نہیں ہونے کی میڈیا میں رپورٹ میں شائع ہونے کے بعد ضلع میڈیکل آفیسر ڈاکٹر اشوک کمار تعلقہ اسپتال کا دورہ کرتے ہوئے اسپتال کا معائنہ کیا اور اسپتال کی بد نظمی کے متعلق تعلقہ میڈیکل آفیسر ...

ہوناور میں ایک کالج طالبہ کی عصمت دری کی کوشش؛ عوام نے نوجوان کو پکڑ کر کیا پولس کے حوالے

یہاں سے قریب 38 کلو میٹر دور ہوناور میں پولس نے ایک  کالج طالبہ کی  عصمت دری کرنے کی کوشش کے الزام میں ایک 26 سالہ نوجوان کو گرفتار کرلیا ہے جس کی شناخت  ہوناور کے النکّی کے رہنے والے  گرو راما گوڈا کی حیثیت سے کی گئی ہے۔

بھٹکل انجمن ہائی اسکول کے ہونہار طلبہ کو گولڈ میڈلس؛ محمد عمر کو ملا ’وقار اسلامیہ ‘ اور امیر معلم نے حاصل کیا ’وقارِ انجمن‘ ایوارڈ

15جنوری برو ز پیر کو انجمن میدان میں منعقدہ اسلامیہ اینگلو اردو ہائی اسکول اور انجمن بائز ہائی اسکول کے 78واں سالانہ جلسہ میں اسلامیہ ہائی اسکول کے محمد عمر ابن جیلانی اکرمی کو ’وقار ِاسلامیہ ‘ اور انجمن بائز ہائی اسکول کے امیر ابن منیر محی الدین معلم کو’وقار ِ انجمن ‘ایوارڈ ...

مقتول الیاس کی بیوی کاپیغام پولیس کے نام۔ انصاف نہیں ملا تو جان دے دوں گی!

حال ہی میں قتل کیے گئے بدنام زمانہ ٹارگٹ گروپ کے گُرگے الیا س کی بیوی فرزانہ نے پولیس کے نام کھلے خط میں اپنے لئے انصاف دلانے کا مطالبہ کیاہے اور کہا ہے کہ اگر الیاس کے قاتلوں کو گرفتار کرکے اس کے ساتھ انصاف نہیں کیاگیا تو وہ اپنی جان دیدے گی۔