بھٹکل:8/ مارچ (ایس اؤنیوز)ہیبلے گرام پنچایت حدود کے مدینہ کالونی میں بنیادی سہولیات نہ ہونےکی وجہ سے کالونی کے حالات بہت ابتر ہیں، ضروری اقدامات کا مطالبہ لےکر مدینہ ویلفئیر سوسائٹی مدینہ کالونی کی جانب سے بھٹکل اسسٹنٹ کمشنر کو میمورنڈم سونپاگیا۔

میمورنڈم میں کہا گیا ہے کہ مدینہ کالونی میں یوجی ڈی کنکشن نہیں ہے ، بارش کے موسم میں پانی کو بہنے کے لئے اندرونی نالیوں کا انتظام نہیں ہے، کئی جگہوں پر اندرونی نالیاں توہیں مگر ان میں مٹی بھرجانے سے استعمال کے قابل نہیں ہیں، علاقہ میں سڑک بجلی کا انتظام بھی ٹھیک نہیں ہے۔ عوام کو پینے کا شفاف پانی مہیا کرنا ہے، حنیف آباد مدینہ کالونی میں کچرانکاسی بھی ٹھیک سے نہیں ہورہی ہے، ان تمام کے متعلق صحیح اقدامات کرنے کا میمورنڈ م میں مطالبہ کیاگیا ہے۔ بھٹکل اسسٹنٹ کمشنر منجوناتھ نے میمورنڈم وصول کیا۔ اس موقع پر مدینہ ویلفئیر سوسائٹی کے صدر پروفیسر ہاشم قادری زرزری، جنرل سکریٹری مولانا سید عرفان ندوی ، جمیل رکن الدین ، فیصل، عبدالسلام، ساجد مصباح ، آفتا ب دامدا، ناصر، نجم، اکرام ، نورالامین وغیرہ موجود تھے۔