بھٹکل :20/جولائی (ایس اؤ نیوز) پچھلے کئی دنوں سے جاری بارش جمعہ کو بھی رک رک کر جاری رہنے سے عوامی کام کاج میں رکاوٹ بنتی رہی،قومی شاہراہ اور اہم سڑکیں نالوں کی صورت بہتے دیکھے گئے۔
تعلقہ کے اہم راستوں کنارے بارش کا پانی جمع ہونے سے تالاب نما ہوگئے تھے، بارش میں سواریوں کو بھی مشکلات کاسامنا رہا۔ شمس الدین سرکل ، رنگین کٹا، نوائط کالونی سمیت کئی جگہوں کی قومی شاہراہ پر ہی پانی ، نالوں کی شکل میں بہتا رہا۔ تعلقہ کے دیہی علاقوں کے نشیبی جگہوں اور زرعی زمینات زیر آب رہنے سے کسان پریشان ہیں۔ سمندر میں لہروں کی رفتار تیز رہنے کے عوض ماہی گیری پوری طرح ٹھپ ہوگئی ہے۔ جمعرات کی صبح 8بجے سے جمعہ کی صبح تک 42ملی میٹر بارش کی پیمائش کی گئی ہے، اب تک بارش کی کل 2107.5ملی میٹربارش ہوئی ہے۔ جمعہ کی رات بھی سیاہ بادل چھائے ہوئے ہیں ، مزید بارش کے امکانات ہیں۔