بھٹکل:21/جنوری (ایس او نیوز)ریاستی سرکاری ٹرانسپورٹ ادارے کے شاخوں میں سال 2015-2016میں بہترین کارکردگی کا مظاہرہ کرنے والی بھٹکل ڈپو کو پہلا انعام حاصل ہواہے۔ اس سلسلے میں کرناٹکا سوابھیمانی کرانتی سنگھا بھٹکل کی طرف سے بھٹکل ڈپو مینجر یوکے باناوالیکر اور عملے کی تہنیت کرتے ہوئے عزت افزائی کی گئی ۔

اس موقع پر کرانتی سنگھا کے جنرل سکریٹری کمار نائک  نے کے ایس آر ٹی سی ادارے کے 6زونس کے 49ڈپو ز کا مقابلہ کرتے ہوئے پہلا انعام حاصل کرنے پر اسےڈپو مینجر، افسران  ، ڈارئیور، کنڈکٹر اور دیگر میکانک عملے کی ایماندارانہ کاوشوں کا نتیجہ قرار دیا ۔ اس  موقع  پر سنگھا کے ضلعی صدر ایرا نائک، وینکٹیش نائک، اشوک نائک، کے ایم شریف ، جیون نائک، گنپتی نائک وغیرہ موجود تھے۔