بھٹکل:2/ ستمبر(ایس اؤ نیوز) اترکنڑا ضلع تعلیمات عامہ اورانجمن پی یوکالج فارگرلس کے اشتراک سے انجمن کالج میدان میں منعقدہ بھٹکل تعلقہ پی یوکالج کھیل مقابلوں میں بینا وئیدیا پی یوکالج مرڈیشورنے لگاتار پانچویں مرتبہ چمپئین شپ کا خطاب جیتا۔ اور کئی ایک مقابلہ جات میں طلبا وطالبات ضلعی سطح کے لئے منتخب ہوئے ۔
تعلقہ کے پی یوکالج طلبا و طالبات کے درمیان منعقدہ کھیل مقابلوں میں بینا وئیدیا کالج کی طلبا و طالبات نے ذیل کے ایونٹس میں جیت درج کی ہے۔ لڑکوں کے شعبہ میں یوراج ایل موگیر 5000میٹر،3000میٹر، 1500میٹردوڑ اور پہاڑی دوڑ مقابلے میں اول مقام حاصل کرتے ہوئے انفرادی طورپر چمپئین بنے تو لڑکیوں کے شعبے میں کماری اشونی نائک 3000میٹر ،1500میٹر ،800میٹر دوڑ اور پہاڑی دوڑ میں اول مقام پاتے ہوئے انفرادی چمپئین شپ کے خطاب سے سرفرازہوئیں۔
لڑکوں کے شعبہ میں اجیت موگیر 5000میٹر پیدل دوڑ میں اول۔ شہزاد کٹپاڑی ٹرپل جمپ میں دوم اور ہائی جمپ میں سوم ۔بھرت نائک 5000میٹر پیدل دوڑ میں دوم اور800میٹر دوڑ میں سوم۔دیویندر کھاروی 3000میٹر دوڑ میں سوم ۔ محمد تنصیف1500میٹر دوڑ میں دوم۔ پول والٹ میں ناگراج ایم وئیدیا اول۔ انکیت پائی دوم اور پہاڑی دوڑ میں محمد تنصیف، دیویندر کھاروی سوم اور چہارم ۔ فردین ڈسک تھرو اور ہیمر تھرو میں دوم مقام حاصل کیا ہے۔
لڑکیوں کے شعبہ میں دیویاگوڈا نے ہیمر تھرو میں اول۔ یشودھا موگیر لانگ جمپ ، 400میٹر دوڑ، ہیمر تھرو میں دوم، سہنا موگیر 3000میٹر، 1500میٹر دوڑ میں دوم ۔ مہیما نائک 500میٹر ،400میٹر ہرڈلس میں اول ۔ پرتیکشھا نائک 500میٹر دوڑ میں سوم۔نکھیتا ٹرپل جمپ میں سوم۔ نینا ایم 100میٹر دوڑ اور جاولین تھرو میں سوم۔ نینا جی 200میٹر دوڑ میں سوم۔ سہنا موگیر پول والٹ میں اول۔ پرتیکشھا نائک دوم مقام پائے ہیں۔ گروپ ایونٹس میں لڑکیوں نے 4x100میٹر ریلے میں دوم۔4x400میٹر ریلے میں اول مقام پایا ہے۔ مقابلوں میں بہترین کارکردگی پر طلبا وطالبات اور فزیکل ڈائرکٹر کرشنپا نائک کو انتظامیہ کمیٹی کے صدر منکال ایس وئیدیا، ڈائرکٹر پشپ لتا ایم ایس ، کالج کے پرنسپال پرساد مہالے ، نائب پرنسپال مہیش ہیگڈے ، تعلیمی صلاح کار نعیم گوری اور اساتذہ وغیرہ نے مبارکبادی پیش کی ہے۔
اسی طرح مرڈیشور کی آر این شٹی پی یوکالج کے طلبا و طالبات نے بھی بہترین پرفارمنس کا مظاہرہ کرتےہوئے ضلعی سطح کے لئے منتخب ہونے پر انتظامیہ ، اساتذ ہ وغیرہ نے مبارکبادی پیش کی۔