بھٹکل انجمن کالج کی لکچرر شریفہ شیخ کو دھارواڑ یونیورسٹی میں اول رینک ؛ 5گولڈ میڈل کی بھی حقدار

Source: S.O. News Service | By Abu Aisha | Published on 19th April 2017, 8:16 PM | ساحلی خبریں |

بھٹکل:19/اپریل(ایس اؤنیوز)انجمن پی یو کالج فار ویمنس بھٹکل میں شعبہ انگریزی کی لکچرر شریفہ بنت اسماعیل شیخ کرناٹکا یونیورسٹی دھارواڑ کے پوسٹ گریجویٹ امتحانات میں اول رینک حاصل کیا ہے۔ ذرائع سے ملی اطلاع کے مطابق شریفہ نے  ایم اے انگریزی میں نہ صرف پہلا رینک حاصل کیا بلکہ 5گولڈ میڈل کی بھی حق دار بنی ہیں۔

دھارواڑ میں منعقدہ کرناٹکا یونیورسٹی کانویکیشن میں ریاستی کابینہ وزیر برائے اعلیٰ تعلیمات بسورا ج رائے ریڈی اور ہائی کورٹ کے چیف جسٹس شانتا گوڈا کی موجودگی میں شریفہ شیخ نے فرسٹ رینک کی سنداور 5گولڈ میڈل حاصل کئے۔

اترکنڑا ضلع ڈانڈیلی کے اسماعیل شیخ اور نزہت شیخ کی دختر شریفہ شیخ ڈانڈیلی کے سینٹ مائیکل میں پرائمری اور ہائی اسکول،بنگورنگر کالج سے پی یو اور ڈگری کی تعلیم حاصل کرنے کے بعد کاروار کی مرین بائیولوجی کالج میں ایم اے کے امتحانات لکھے تھے۔اس موقع پر ساحل آن لائن سے گفتگو کرتے ہوئے شریفہ شیخ نے کہاکہ میری کامیابی پر سب سے پہلے میں اللہ تعالیٰ کا شکریہ ادا کرتی ہوں ، والدین اور خاص کر ماں کی شکر گزار ہوں جنہوں نے مجھے اس اعلیٰ تعلیم کو حاصل کرنے میں ہر ممکن مددو تعاون کیا۔ میری محنت اور کوششوں سے یہ کامیابی حاصل ہوئی ہے جس کو میں آئندہ بھی جاری رکھوں گی۔شریفہ شیخ کی کامیابی پر ان کے والدین ، انجمن انتظامیہ کے عہدیداران ، پرنسپال اور دیگر لکچرر حضرات اور عملے نے مبارکبادپیش کی ہے۔

خیال رہے کہ کرناٹکا یونیورسٹی دھارواڑ کے زیر اہتمام مئی /جون 2016میں منعقد کئے گئے بی سی اےکے فائنل امتحانات میں گرو سدھیندرا بی سی اے کالج کی طالبہ فردوس فریال بنت انیس این ایس نے%90.80نمبرات سے شاندار کامیابی حاصل کرتے ہوئے یونیورسٹی سطح پر دوسرا رینک حاصل کرنے پر انہیں بھی سند سے نوازا گیا ۔

 

ایک نظر اس پر بھی

بی جے پی کیخلاف کانگریس کا جاری کردہ ٹیپ جعلی، کرناٹک کانگریس رکن اسمبلی کابیان، کانگریس پریشان 

بی جے پی کے خلاف کانگریس کے ایک جاری کردہ ٹیپ سے کانگریس کی ٹکٹ پر جیت درج کرنے والے یلاپور کے رکن اسمبلی شیورام ہیبار نے پارٹی کی جانب سے جاری کردہ ٹیپ کو جعلی قرار دیاہے۔ اور اس بات کو غلط قرار دیا ہے کہ بی جے پی کی طرف سے انہیں رقم کی پیشکش کی گئی تھی اور وزارتی عہدہ دینے کا بھی ...

فتح کے جشن میں پاکستان نواز نعرے بازی کا جھوٹا ویڈیو۔ مینگلور پولس اسٹیشن میں کانگریس کی طرف سے شکایت درج

بی جے پی کے وزیراعلیٰ ایڈی یورپا کے استعفیٰ دینے اور کانگریس جے ڈی ایس محاذ کے لئے حکومت سازی کی راہ ہموار ہونے کی خوشی میں منگلور و کے کانگریس دفتر میں جشن فتح منایاگیاتھا۔ لیکن اس تعلق سے ایک ویڈیو کلپ سوشیل میڈیا پر عام ہواتھا جس میں جشن کے دوران پاکستان نواز نعرے بازی ...

بھٹکل میں گائیوں سے بھری دو لاریوں پر حملے کے الزام میں گیارہ افراد گرفتار؛ کیاجانوروں کو بی جے پی لیڈر کے ڈیری فارم لےجایا جارہا تھا ؟

  تعلقہ کے مرڈیشور نیشنل ہائی وے پر کل رات ہوئی ہندو شدت پسند تنظیموں کے کارکنوں کی غنڈہ گردی کے واقعے کے بعد پولس متحرک ہوکر اب تک گیارہ لوگوں کو گرفتار کرنے میں کامیاب ہوگئی ہے، جبکہ دیگر حملہ آوروں کی تلاش جاری ہے۔