بابری مسجدکیس:فریق مہنت بھاسکر داس نہیں رہے
فیض آباد،16؍ستمبر(ایس او نیوز؍آئی این ایس انڈیا)بابری مسجدکیس کے فریق مہنت بھاسکراداس نہیں رہے۔ 88 سالہ داس ہسپتال میں برین ہیمرج کے بعد داخل ہوئے تھے۔وہ فیض آبادہارانہ ہار انسٹی ٹیوٹ میں علاج کرا رہے تھے۔ جانشین نے بتایاکہ منگل کو وہ سانس لینے میں تکلیف کے بعدہسپتال میں داخل ہوئے۔ اس وقت سے حالت خراب ہوگئی ہے۔ ہفتہ کی صبح انہوں نے اپنی آخری سانس لی۔مہنت کے انتقال کے بعد ایودھیامیں واقع مندر میں ان کے عقیدت مند جمع ہونے لگے۔۔ فیض آبادایم پی لالو سنگھ اور کانگریس کے سابق صدر ڈاکٹر نرمل کھریری نے انہیں خراجِ عقیدت پیش کیا۔88 سالہ مہنت بھاسکر داس 1959 سے بابری مسجدکیس سے منسلک تھے۔اس کے باوجودان کے اپنے مسلم فریق ہاشم انصاری کے ساتھ سرگرم تعلقات تھے۔