اوما بھارتی نے ایودھیا جانے کا فیصلہ ملتوی کیا ،استعفیٰ دینے سے انکار

Source: S.O. News Service | By I.G. Bhatkali | Published on 20th April 2017, 6:47 AM | ملکی خبریں | ان خبروں کو پڑھنا مت بھولئے |

نئی دہلی، 19؍اپریل (ایس او نیوز/آئی این ایس انڈیا ) بابری مسجد شہادت معاملے پر سپریم کورٹ نے آج اہم فیصلہ سنایاہے ۔سپریم کورٹ نے کہا ہے کہ اڈوانی، جوشی، اوما بھارتی سمیت 13لوگوں پر مجرمانہ سازش کا مقدمہ چلے گا۔اس کے بعد اوما بھارتی نے اعلان کیا تھا کہ وہ ایودھیا جائیں گی، حالانکہ شام کو انہوں نے اپنا موقف تبدیل کر لیا اور کہا کہ وہ فی الحال ایودھیا نہیں جائیں گی،انہوں نے یہ بھی کہاتھاکہ کوئی سا زش نہیں ہوئی ہے بلکہ جوکچھ ہواہے کھلم کھلاہواہے۔استعفیٰ دینے کاسوال ہی نہیں ہے۔ کیونکہ میڈیا کی ہلچل کی وجہ سے یہ ایک سیاسی مسئلہ بن جائے گا اور وہ ایسا نہیں چاہتیں۔ آبی وسائل، دریا ترقی اور گنگا تحفظ کی مرکزی وزیر اوما بھارتی نے کہا ہے کہ آج میں شری رام للا جی اور ہنومان نگڑھی میں ماتھا ٹیکنے اور شکریہ ادا کرنے کے لیے جا رہی تھی، ایودھیا میرے لیے سیاست کا نہیں بلکہ عقیدہ کا موضوع ہے،لیکن میڈیا کی ہلچل سے مجھے لگا کہ میرا ایودھیا جانا ذاتی نہ ہوکر سیاسی واقعہ ہو سکتا ہے، اس لیے میں نے کل ایودھیا نہ جاکر کچھ وقت بعد جاؤں گی۔انہوں نے کہا کہ چونکہ آج ایم سی ڈ ی انتخابات میں میرے کئے اجلاس عام پہلے سے طے شدہ ہیں، میں انہیں خطاب کروں گی۔بتایا جاتا ہے کہ آج بی جے پی کی کور گروپ کی میٹنگ ہوئی، وزیر اعظم مودی کے گھر پر ہوئی اس میٹنگ کے بعد اوما بھارتی نے ایودھیا نہ جانے کا فیصلہ لیاہے ۔

ایک نظر اس پر بھی

آتش بازی کے سبب بنگلورو میں32 افراد کی بینائی متاثر

دیوالی تہوار کے دوران آتش بازی کے سبب ہر سال کی طرح امسال بھی 32؍ لوگوں کی بینائی متاثر ہوئی ہے۔ شہر کے مختلف مقامات پر آتش بازی کے سبب ہوئے حادثات میں 23افراد زخمی ہوئے اور 28 لوگوں کی آنکھیں ضائع ہوگئیں۔

تمل ناڈو :ٹرانسپورٹ کارپوریشن کی عمارت کا حصہ منہدم ہونے سے 8/ افراد کی ہلاکت 

موصولہ اطلاعات کے مطابق ناگا پٹنم ضلع میں تمل ناڈر ٹرانسپورٹ کارپوریشن کی ایک عمارت کے حصہ کے منہدم ہونے کی وجہ سے آٹھ افراد کے ہلاک ہوگئی ہے جب کہ وہیں تین دیگر افراد کے زخمی ہونے کی بھی اطلاع ہے ۔

بھٹکل سے منگلورو جانے والی سرکاری والوو بس انجن میں آگ۔ کوئی جانی و مالی نقصان نہیں

بھٹکل سے منگلورو جانے والی کے ایس آر ٹی سی والوو بس انجن میں اچانک آگ لگنے کی اطلاع سے مسافروں میں خوف کی لہر دوڑ گئی، جنہیں فوری طور پر بس سے اُتار کر دوسری بس کے ذریعے سفر مکمل کروایا گیا۔

بھٹکل نیشنل ہائی وے پر دو بائک کے درمیان زبردست ٹکر؛ تین زخمی ، ایک کی حالت نازک

یہاں نوائط کالونی سٹی لائٹ ہوٹل کے قریب نیشنل ہائی وے پر ہوئی دو موٹر بائک کی ٹکر میں تین لوگ زخمی ہوگئے جن میں سے ایک کی حالت نازک بتائی گئی ہے اور اُسے فوری طور پر منی پال شفٹ کیا گیا ہے۔ حادثہ آج جمعرات شام قریب 7:30 بجے پیش آیا۔