اننت کمار ہیگڈے کا نیا تنازعہ۔ دلت تنظیموں کو ’’کُتّے‘‘ قراردیا

Source: S.O. News Service | By Shahid Mukhtesar | Published on 21st January 2018, 1:41 PM | ساحلی خبریں | ریاستی خبریں |

بیلاری، 21؍جنوری (ایس او نیوز) اپنی زبان درازی اور بدگوئی کے لئے معروف مرکزی وزیر اننت کمار ہیگڈے نے دلت تنظیموں کو ’’کُتّے‘‘ قراردیتے ہوئے ایک نیا تنازعہ کھڑا کردیا ہے۔

بتایا جاتا ہے کہ مرکزی وزیر اننت کمارہیگڈے جب بیلاری میں ’جاب فیئر اینڈ اسکل ایکزی بیشن‘ میں شرکت کے لئے انسپکشن بنگلو سے نکلے تو سڑک پر دلت تنظیموں نے ان کا گھیراؤ کیا اور اس سے پہلے دستور کو بدلنے کا جو بیان انہوں نے دیا تھا اس کے خلاف احتجاجی مظاہرہ کیا۔ اننت کمار کے ساتھ موجود رکن پارلیمان سری راملو نے احتجاجیوں کوسمجھانے بجھانے کی کوشش کی مگر وہ ناکام رہے ۔ اس کے بعد پولیس نے مداخلت کرتے ہوئے مظاہرین کو منتشر کردیا۔

انننت کمار جب ’جاب فیئر‘ کے مقام پر پہنچے اور خطاب کرنے لگے تو انہوں نے کہا کہ :’’ہم بھی بڑے ڈھیٹ(ہٹ دھرم) ہیں۔ ہمارے اندر قوم کی تعمیر کی صلاحیت اور طاقت موجود ہے۔ ہم سڑکوں پر بھونکنے والے کتوں (دلت تنظیموں اور مخالفین کی طرف اشارہ)سے ڈرنے والے نہیں ہیں۔ہمارے پیچھے ہٹنے کا سوال ہی پیدا نہیں ہوتا۔‘‘

یاد رہے کہ دسمبر 2017میں کوپل میں ایک پروگرام کے دوران اننت کمار ہیگڈے نے دستور ہند کو بدلنے کاعزم ظاہر کیا تھاجس کے بعد ملک بھر میں اس کے خلاف احتجاج ہوااور پارلیمنٹ سیشن کے دوران اننت کمار کو معافی مانگنی پڑی تھی۔

ایک نظر اس پر بھی

جین تیر تھنکروں کی کروڑوں روپے مالیت والی مسروقہ قدیم مورتیوں کے ساتھ5افراد گرفتار

کنداپور سے قریب کوٹیشورا میں واقع کوٹی لنگویشورا مندر کے پاس کچھ افراد مشکوک حالت میں کھڑے ہوئے نظر آنے کی مصدقہ اطلاع پر کارروائی کرتے ہوئے کنداپورٹاؤن پولیس نے چھاپہ مارااورجین تیر تھنکر وں کی کروڑوں روپے مالیت والی تین مسروقہ قدیم مورتیوں کے ساتھ5افراد گرفتارکرلیا۔

بھٹکل و اطراف کے کھلاڑیوں کے لئے خوش خبری ؛جلد قائم ہوگی ’بھٹکل اسپورٹس اکیڈیمی‘۔ دلچسپی رکھنے والے کھلاڑی رجسٹر کروائیں

بھٹکل کے کھلاڑیوں کےلئے بڑی خوش خبری یہ ہے کہ یہاں کھلاڑیوں کو کھیل کی مکمل تربیت فراہم کرنے اور اُنہیں نہ صرف ضلعی اور ریاستی بلکہ قومی سطح تک لے جانے کے لئے درکار مکمل گائیڈلائن فراہم کرنے بھٹکل اسپورٹس ڈاٹ کوم کی جانب سے ایک اکیڈمی شروع کی جارہی ہے، جس کی تیاریاں گذشتہ کچھ ...

بھٹکل رکن اسمبلی کے ہاتھوں مٹھلی پنچایت دفتر کی نئی عمارت کا افتتاح :منکال وئیدیا نے کہا، میں اپنے کاموں کا حساب اور ریکارڈ دینے تیار ہوں

جس عوام نے مجھے عوامی نمائندےکی حیثیت سے بطور رکن اسمبلی منتخب کیا ہے ان کا احسان ادا کرنے کے لئے بساط بھر کوشش کیا ہوں، حکومت کی طرف سے سرکاری امداد فراہم کئے جانے کے متعلق مخالفین کے باربار الزام سے بیزارگی محسوس ہوتی ہے۔ جس کو چاہے وہ پوچھ لیں ، میں نے جو کام کیاہے اس کا ...

4مارچ کو سدارامیا کے ہاتھوں چرچ اسٹریٹ کاافتتاح ’10پارکنگ بے‘ کی تعمیرپربی بی ایم پی کا غور،گاڑیوں سے فری زون بنانے مقامی لوگوں کا مطالبہ

چرچ اسٹریٹ میں تعمیری کام گزشتہ 22؍فروری 2017سے چل رہا ہے ۔چونکہ کام میں کافی تاخیر ہوگئی جس کی وجہ سے یہاں کے کاروباریوں کو کافی پریشانیوں کا سامنا کرنا پڑا مگر اب کام آخری مرحلہ میں ہے ۔

جے ڈی ایس صدر پی جی آر سندھیا نے سدرامیا پر لگایا اقتدار کے نشہ میں چور ہونے کا الزام

جنتادل (ایس) کے قومی کارگذار صدر پی جی آر سندھیا نے کہاکہ وزیر اعلیٰ سدرامیا اقتدار کے نشہ میں چور ہوچکے ہیں اسی لئے انہیں کسی کی عزت واحترام اور مرتبہ کی پرواہ نہیں ہے، ایک بار اقتدار کا نشہ اتر جائے تو وہ راہ راست پر آجائیں گے۔

کرناٹک ریلی میں وزیراعظم مودی پر راہول گاندھی نے سادھا نشانہ؛ پوچھا آپ کی ناک کے نیچے سے کیسے چلا گیا PNB کا پیسہ

 پنجاب نیشنل بینک (PNB)  گھوٹالہ معاملے میں سخت کارروائی کے وزیر اعظم نریندر مودی کے بیان کو مسترد کرتے ہوئے کانگریس صدر راہل گاندھی نے سنیچر کو ان سے پوچھا کہ پہلے یہ بتائیں کہ اتنی بڑی رقم  ان کی ناک کے نیچے سے کس طرح بینکوں سے لے جایا گیا ؟