ممبئی17/ڈسمبر (ایس او نیوز/ایجنسی) ممبئی کے ESIC کامگار ہسپتال میں آگ لگنے سے سے چھ لوگوں کی موت واقع ہوگئی وہیں پیر کی شام کو ہوئے اس حادثے میں 50 سے زائد لوگ زخمی ہوگئے ہیں.جائے وقوع پر فائر بریگیڈ پہنچ گئی ہے اور بچاؤ کا کام تیزی سے چل رہا ہے. گراونڈ فلور سے بھڑکی آگ تیزی سے اوپر کی طرف پھیلتی چلی گئی. آگ پر قابو پانے کی کوشش جاری ہے.
بتایا گیا ہے کہ اندھیری (شمال) کے پانچ منزلہ اسپتال میں شام چار بجے لگی تھی ۔ آگے لگنے کے فوری بعد مریضوں اور اُن کے رشتہ داروں کو باہر کی طرف فرار ہونے کا موقع نہیں مل سکا اور آگے تیزی کے ساتھ پھیلتی چلی گئی۔ آگ لگنے کا سبب ابھی تک معلوم نہیں ہوسکا ہے. آگ پر قابو پانے ک لئے 10 فائر انجن ، 16 ایمبولینساور ایک ریسکیو وین جائے وقوع پر پہنچ چکی ہے۔
بتایا گیا ہے کہ اسپتال سے اب تک 147 افراد کو بحفاظت نکالا گیا ہے . اور آگ پر قابو پانے کے ساتھ ساتھ لوگوں کو بچانے کا کام بھی تیزی سے چل رہا ہے.خبر ہے کہ اسپتال کی عمارت میں پھنسے بعض لوگوں نے جان بچانے کے لئے اوپری منزل سے چھلانگ بھی لگائی ہے اور شدید زخمی ہوئے ہیں ۔کئی لوگ اسپتال کے اندر پھنسے ہونے کی بات بھی کہی جارہی ہے۔
واقعے کی اطلاع ملتے ہی مقامی حکام بھی موقع پر پہنچ چکے ہیں۔