پانچ ریاستوں میں زوردار کی بارش، سیلاب سے اب تک 465افراد ہلاک

Source: S.O. News Service | By Shahid Mukhtesar | Published on 29th July 2018, 10:58 AM | ملکی خبریں | ان خبروں کو پڑھنا مت بھولئے |

نئی دہلی ،29جولائی(ایس او نیوز؍آئی این ایس انڈیا) اس بار مانسون آنے کے بعد ہونے والی بارش سے پانچ ریاستوں میں سیلاب اور بارش سے اب تک کم از کم 465افراد ہلاک ہو چکے ہیں۔وزارت داخلہ کے نیشنل ایمرجنسی رسپانس سینٹر (این ای آرسی)کے مطابق سیلاب اور بارش کی وجہ سے مہاراشٹر میں 138، کیرالہ میں 125، مغربی بنگال میں 116، گجرات میں 52اور آسام میں 34لوگوں کی موت ہوچکی ہے۔سیلاب اور بارش سے مہاراشٹر کے 26، مغربی بنگال میں 22، آسام میں 21، کیرالہ میں 14اور گجرات میں 10 ضلع متاثر ہیں۔رپورٹ کے مطابق آسام میں 10.17لاکھ لوگ بارش اور سیلاب سے دوچار ہوئے ہیں، جن میں سے 2.17 ملین افراد ریلیف کیمپوں میں پناہ لئے ہوئے ہیں۔این ای آر سی کے مطابق این ڈی آر ایف کی 12 ٹیم آسام میں راحت اور بچاؤ کے کام میں مصروف ہے۔این ڈی آر ایف کی ایک ٹیم میں 45اہلکار ہوتے ہیں۔مغربی بنگال میں بارش اور سیلاب سے کل 1.61لاکھ لوگ متاثر ہوئے ہیں۔ریاست میں این ڈی آر ایف کی آٹھ ٹیمیں تعینات کی گئی ہیں۔ گجرات میں سیلاب اور بارش سے متاثر 15,912 لوگوں کو محفوظ مقامات پر پہنچایا گیا ہے۔ریاست میں این ڈی آر ایف کی 11ٹیم ریلیف اور امدادی کام میں مصروف ہے۔کیرالہ میں 1.43لاکھ لوگ سیلاب سے متاثر ہیں۔شدید بارش کی وجہ سے ریاست میں 125لوگوں کی موت ہوئی ہے جبکہ نو افراد لاپتہ ہیں۔جنوبی ریاست میں راحت اور امدادی کام کے لیے این ڈی آر ایف کی چار ٹیم تعینات کی گئی ہے، جبکہ تین ٹیموں کو مہاراشٹر میں تیار رکھا گیا ہے۔

ایک نظر اس پر بھی

مرڈیشور میں غیر ضروری بات کو لے کر ماحول خراب کرنے کی کوشش؛ سری رام سینا لیڈر اسپتال میں داخل

تعلقہ کے مرڈیشور میں  سری رام سینا  ضلعی صدر مسلم نوجوانوں سے اُلجھنے کے بعد زخمی ہو کر سرکاری اسپتال میں داخل ہونے کی واردات پیش آئی ہے، جس کے بعد سوشیل میڈیا پر زخمی شخص  کے فوٹو کے ساتھ مسیجس پھیلاکر عوام میں انتشار پیدا کرنے کی کوشش ہورہی ہے۔

گوا کے افسران نے10لاکھ روپے مالیت کی مچھلیاں برباد کردیں۔کاروار کے مچھلی فروش کا الزام

ضلع شمالی کینرا کے ماہی گیروں کے لیڈر نے الزام لگایا ہے کہ گواحکومت انتقامی کارروائی کی راہ اپناتے ہوئے تمام قانونی تقاضے پورے کرنے کے بعدبھی کرناٹکا سے گوا میں لے جائی مچھلیوں کوتباہ کررہی ہے۔

منگلورومیں نوجوان کو اغوا کرکے تاوان وصول کرنے والے نکلے منشیات فروش۔ 2.89لاکھ روپے مالیت کی اشیاء ضبط

چند دن پہلے فالنیر علاقے سے شماق نامی نوجوان کو اغوا کرنے اور بعد میں 50ہزار روپے تاوان وصول کرکے چھوڑنے والے کے الزام میں گرفتار کیے گئے گوتم(۲۸سال) اور لوئی ویگس (۲۶سال)کے بارے میں معلوم ہوا ہے کہ وہ منشیات فروشی کے دھندے میں ملوث ہیں۔

بی جے پی کی ہار سے سرمائی اجلاس میں بڑھے گا ہنگامہ، کانگریس کے پاس تین نکات 

ریاستوں میں بی جے پی کی شکست کا اثر پر سرمائی اجلاس میں بھی نظر آنے والا ہے۔ ویسے تو پہلے ہی اپوزیشن نے حکومت کو گھیرنے کی تیاری کر لی ہے۔ لیکن مدھیہ پردیش، راجستھان اور چھتیس گڑھ کے مینڈیٹ نے کانگریس میں نئی جان پھونک دی ہے۔کانگریس نے رافیل سمیت کئی مسائل پر حکومت کو بیک فٹ پر ...

واٹس ایپ گروپ میں اب اجازت کے بغیر ایڈ نہ کیا جاسکے گا 

واٹس ایپ کے یوزرس کو ہندوستان میں جلد بڑی راحت ملنے والی ہے. منسٹری آف الیکٹرانکس اینڈ انفرمیشن نے پیغام رساں اپلی کیشن واٹس ایپ سے ایک ایسا فیچر لانے کو کہا ہے، جس سے صارف کو کسی بھی واٹس ایپ گروپ میں شامل کرنے سے پہلے اس کی اجازت ضرور لی جائے۔ یعنی، صارف کو کسی بھی واٹس ایپ ...

3 ریاستوں میں ممکنہ شکست سے بی جے پی میں کھلبلی؛ یوگی کو خاموش کروائے پارٹی ہائی کمان : بی جے پی ایم پی 

مدھیہ پردیش، راجستھان اور چھتیس گڑھ میں کانگریس کو ملی واضح برتری کے بعد بی جے پی کے رہنما سنجے کاکڑے نے پارٹی کے قدآور لیڈران پر ناراضگی ظاہر کی ہے۔ انہوں نے کہا کہ میں جانتا تھا کہ راجستھان اور چھتیس گڑھ میں پارٹی کو ہار جھلینی پڑے گی۔لیکن مدھیہ پردیش کے نتائج نے چونکا دیا ...