بھٹکل میں 1009آخری رسومات امداد کی عرضیاں باقی : دوبرسوں سے عوام امداد کے انتظار میں
بھٹکل :18؍ڈسمبر (ایس او نیوز)آخری رسومات منصوبے کے تحت اترکنڑا ضلع کو سال 2018-2019میں 38.10لاکھ روپئے کی امداد منظور کی گئی ہے، تیسری قسط کے طورپر 20.30لاکھ روپئے منظور کئے جارہے ہیں، کل 1009عرضیوں کو معاشی امداد باقی رہنے کی ریاست کے وزیر تحصیل آر وی دیش پانڈے نے سرمائی اجلاس کے دوران تحریری جانکاری دی ہے۔
وہ بھٹکل کے رکن اسمبلی سنیل نائک کی طرف سے تحریری طورپر پوچھے گئے سوال کا تحریری جواب دیتے ہوئے یہ اطلاعات فراہم کئے ہیں۔ آخری رسومات کے تحت مانگ کو دیکھتے ہوئے مرحلہ وار رقم منظور کئے جانے کے بعد تعلقہ جات میں تقسیم کئے جانے کی بات کہی ہے۔ ترجیحات کی بنیاد پر مستفیدین کوامداد دی جاتی ہے۔ فی الحال 79.10لاکھ روپئے خرچ کئے جاچکے ہیں۔ سال 2017-2018میں اترکنڑا کے لئے 80.10لاکھ روپئے منظور کئے گئے تھے۔
رکن اسمبلی سنیل نائک نے اجلاس میں سوال کیا تھا کہ حلقہ میں ہزاروں لوگ آخری رسومات کے لئے معاشی امداد کے لئے پچھلے دوبرسوں سے انتظار میں ہیں۔ لیکن ابھی تک انہیں امداد منظور نہیں کئے جانے سے وارثوں کو مشکلات پیش آنے کے متعلق پوچھے گئے سوال پر وزیر دیش پانڈے نے مندرجہ بالا تحریری جواب فراہم کیا ہے۔