کمٹہ:23؍اپریل(ایس اؤ نیوز)جب سے ریاست میں کووڈ-19 شدت سے پھیلنے لگا تو اسی دن سے اترکنڑا ضلع انتظامیہ نے کمر کستے ہوئے اس بات کو یقینی بنائی کہ صورت حال  کنٹرول سے باہر نہ ہو۔ ضلعی حکام نے لاک ڈاؤن کو سختی سے نافذ کرتے ہوئے پوری  ریاست میں وائرس جانچ کی شرح کو بہترین سطح پر لایا اور آپسی تعلقات پر قابو پانے کے لئے سخت اقدامات اٹھاتے ہوئے اپنی پوری توجہ اسی پر مرکوز رکھی۔

اسی کے پیش نظر کمٹہ کی روٹری کلب نے سرکاری اسپتالوں کو’واک ان سیامپل کلکشن کیوسک ‘مہیا کرنےفنڈ جمع کرنے  کا تہیہ کیا۔کلب  ممبران کے مالی تعاون سے پہلے مرحلے کے طورپر اسپتالوں میں کیوسک نصب کئے گئے ، اترکنڑا ضلع میں اپنی نوعیت کا پہلا واقعہ ہے۔

کیوسک کو سرکاری اسپتالوں کو سونپنے کے بعد رکن اسمبلی دنیکر شٹی  نے روٹری کلب کی سماجی خدمات کی ستائش کرتے ہوئے مزید اس سلسلے میں آگے بڑھنے کوکہا۔ اس موقع پر کمٹہ کے اے سی اجیت رائے ، روٹری کلب کے صدر سریش بھٹ، تعلقہ صحت عامہ افسر ڈاکٹر اجئے نایک، میڈیکل افسر ڈاکٹر گنیش نائک، انڈین میڈیکل اسوسی ایشن صدر ڈاکٹر نمرتا شانبھاگ وغیرہ موجود تھے۔