بھٹکل: 3؍نومبر (ایس او نیوز)3نومبر بروز سنیچر کو شہر میں انسداد بدعنوانی دستہ (اینٹی کرپشن بیورو) کاروار کی جانب سے ویجی لنس بیداری ہفتہ 2018کی مناسبت سے افسران اور طلبا پر مشتمل ریلی نکالی گئی ۔

شہر کی دی نیو انگلش اسکول میں ویجی لنس دستہ کے ڈی وائی ایس پی  گریش ایس وی نے  ریلی کو ہر ی جھنڈی دکھائی ۔ شہر کے اہم راستوں سے گزرتے ہوئے طلبا ریلی میں کئی ایک طلبا نے رشوت خوری اور بدعنوانی کی مخالفت والے پلے کارڈ تھامے ہوئے نعرے لگاتے ہوئے نیوانگلش اسکول پہنچ کر جلسہ میں منتقل ہوئی ۔ جہاں ڈی وائی ایس پی گریش نے طلبا سے خطاب کرتے ہوئے بدعنوانی اور رشوت خوری کا ازالہ کرتے ہوئے ایک نئے بھارت کی تعمیر کرنے کی اپیل کی۔ اس کے بعد طلبا کو رشوت خوری اور بدعنوانی کے خلاف حلف دلوایا گیا ۔ اے سی بی انسپکتر رمیش، بی ای اؤ منجی ایم آر ، شری گرو سدھیندرا کالج کے پرنسپال وریندر شانبھاگ وغیرہ اس موقع پر موجود تھے۔