بھٹکل میں مہرشی والمیکی جینتی پروگرام : وید اور پران کسی ایک طبقے تک محدود نہیں : جئے شری موگیر
بھٹکل:13؍اکتوبر(ایس اؤ نیوز)مہرشی والمیکی نے سماج میں مساوات، بھائی چارگی ، آپسی اعتماد ، پیار و محبت پیدا کرنے والے مہان شخصیت تھے۔ وید اور پران کسی بھی ایک طبقے تک محدود نہیں ہونے کا اترکنڑا ضلع پنچایت صدر جئے شری موگیر نے خیال ظاہر کیا۔
وہ یہاں تعلقہ انتظامیہ ، تعلقہ پنچایت ، بھٹکل میونسپالٹی ، پٹن پنچایت جالی اور محکمہ سماجی فلاح و بہبودی کے اشتراک سے اربن بینک ہال میں منعقد ہ مہرشی والمیکی جینتی پروگرام کا افتتاح کرنے کے بعد خطاب کررہی تھیں۔ ڈاکٹر اور ادیب آر وی صراف نے خصوصی مقالہ پیش کرتے ہوئے والمیکی کے اصولوں پر روشنی ڈالی۔ بھٹکل اسسٹنٹ کمشنر ساجد ملا نے بھی اپنے خیالات کااظہار کیا۔ گونڈ سماج کے منگلا گونڈ نے بات کرتےہوئے کہاکہ والمیکی برہمن نہیں تھے ، وہ سماج کا رخ موڑنے کے لئے منووادیوں کی سازش ہے۔ تعلقہ پنچایت ممبر وشنو دیواڑیگا نے بھی اپنے خیالات کا اظہار کیا۔ ڈائس پر بھٹکل اے ایس پی نکھیل، بی ای او منجی، گونڈ سماج کے بسویا ماستی گونڈ، لیمپس سوسائٹی صدر ناگیا گونڈسمیت کئی لوگ موجود تھے۔ مکتا اور ساتھیوں نے پرارتھنا پیش کی۔ سماج کلیان کے افسر گیتا ہیگڈے نے استقبال کیا تو محکمہ صحت عامہ کے ایریا دیواڑیگا نے نظامت کی اور شکریہ اداکیا۔