اترکنڑا میں کورونا سے 10دنوں میں77 لوگوں کی موت ۔ 4ہزار لوگ متاثر، 6 ہزار صحت یاب

Source: S.O. News Service | By Abu Aisha | Published on 10th June 2021, 8:37 PM | ساحلی خبریں |

کاروار:10؍جون(ایس اؤ نیوز) کورونا کی دوسری لہر نے گذشتہ ایک ماہ سے اترکنڑا  کے عوام کو اپنے گھروں  پر بند رہنے پر مجبور کردیا ہے ، مگر اب    پچھلے تین دنوں سے ضلع میں  کورونا کے  معاملات میں کمی دیکھی جارہی ہے ۔ 46فی صد پوزیٹیویٹی ریٹ 6فی صد تک کم ہوگیا ہے۔ لیکن اب بھی اموات کی شرح میں کوئی کمی نہیں دیکھی جارہی ہے  اور ضلعی انتظامیہ  کا کہنا ہے کہ اس میں کمی ہونا  بھی بے حد ضروری ہےل۔

گذشتہ 10دنوں سے (30مئی سے 8جون تک )ضلع میں کورونا سے صحت یاب ہونے والوں کی تعداد متاثرین سے کہیں زیادہ ہے۔ چار ہزار افراد کورونا سے متاثر ہوئے ہیں تو 6ہزار لوگ صحت یاب ہوکر اسپتال سے گھر لوٹ چکے ہیں۔ضلع میں  30مئی کو 536 لوگ کورونا سے متاثر پائے گئے تھے، 31مئی کو 606لوگ تو 8جون کو یہ تعداد گھٹ کر 175تک  کو پہنچ گئی تھی۔ اسی طرح30مئی کو 1040 لوگ  صحت یاب ہوئے تو 8جون کو 537لوگ شفا پا کر اسپتالوں سے ڈسچارج ہوچکے ہیں۔ 30مئی سے 8جون تک 4146لوگ متاثر ہوئے تو 6697صحت یا ب ہوئے ہیں جب کہ 77لوگ موت کا شکار ہوئے ہیں۔ جس پر عوام تشویش کا اظہارکررہےہیں۔

کووڈ کی دوسری لہر شروع ہوتے ہی اترکنڑا ضلع میں پوزیٹیو معاملات میں اچانک زبردست اضافہ ہونے سے ضلعی انتظامیہ اورعوام تشویش میں مبتلا ہوئے تھے۔ لاک ڈاؤن، کنٹین منٹ زون ، حساس زون جیسے مختلف اقدامات کے ذریعے ڈی سی نے سخت احکامات جاری کرتےہوئے عوامی سواریوں کی چہل پہل پر پابندی لگادی ۔ جس کے چلتے کورونا کے پھیلاؤ میں کمی آئی ہے اور آفسران خیال ظاہر کررہے ہیں کہ اب کورونا  پر قابو پانا ممکن ہو گیا ہے۔

تیسری لہر کے متعلق چوکنا رہیں :لاک ڈاؤن کے گائیڈ لائنس اور عوامی بیداری کے تعاون سے کافی کچھ کام ہواہے۔ دیہی علاقوں میں زیادہ اموات ہونے سے عوام میں خوف کا ماحول ہے۔ یہی وجہ ہےکہ لوگ گھروں سے باہر نکلنےمیں ڈرمحسوس کررہےہیں۔ اور اسی وجہ سے کورونا کے متاثرین میں کمی ہونے کی بات کریمس کے ڈائرکٹر ڈاکٹر گجانن نایک نےکہی۔ انہوں نے بتایا کہ کورونا کی دوسری لہر اپنی انتہا کو پہنچنے کے بعد بھی لوگ ابتدائی علاج کے لئے پس و پیش میں تھے۔ اس کا کیا نتیجہ نکلا لوگوں کو معلوم ہو گیا ہے۔ اب ابتداء میں ہی علاج کےلئے آنے والوں کی تعداد میں اضافہ ہواہے۔ ماہرین کا کہنا ہے کہ دوسری لہر میں جتناجانی نقصان ہواہے  اس سے کہیں زیادہ تیسری لہر میں ہوسکتاہے۔ اسی لئے عوام کو چاہئے کہ وہ ابھی سے چوکنا رہیں۔ سماجی فاصلہ ، ماسک ، سانی ٹائزر کا استعمال جاری رکھیں۔ اگر کسی بھی بیماری کی علامتیں ظاہر ہوتی ہیں تو فوری علاج کرانےکی انہوں نے اپیل کی۔

ایک نظر اس پر بھی

بھٹکل جالی میں انڈر گراونڈ ڈرینیج کا مسئلہ؛ ممکنہ کنووں کو خراب کرنے والے چمبرس کی درستگی کے بعد ہی کام کو بڑھایا جائے گا آگے؛ ایک ہفتہ کے اندر سڑکوں کی مرمت کی یقین دھانی

بھٹکل کے جالی پٹن پنچایت حدود میں  تعمیر کئے جارہے  انڈر گراونڈ ڈرینیج (یو جی  ڈی)  کا مسئلہ بارش کے بعد مزید پیچیدہ ہونے کے بعد  گذشتہ روز  جالی پنچایت آفس میں  واٹر بورڈ انجینر سمیت  بھٹکل انڈر گراونڈ ڈرینیج کے کام کرنے والے کنٹریکٹر کے  ساتھ میٹنگ کا انعقاد کیا گیا تھا جس ...

کورونا کی تیسری لہر کو لے کر ریاستی ماہرین کمیٹی نے ریاستی حکومت کو سونپی سفارشی رپورٹ : وائرس شدت اختیار کرنےپر 3لاکھ بچے متاثر ہونے کا خدشہ

اگلے 6سے 8ہفتوں میں ملک میں کورونا کی تیسری لہر شروع ہونےکے متعلق ماہرین نےمتنبہ کیا تو ریاستی  حکومت نے ڈاکٹر دیوی شٹی کی قیادت میں کمیٹی تشکیل دیتے ہوئے کہا تھا کہ وہ بتائیں کہ  تیسری لہر کو روکنے کے لئے کیا کیا اقدامات کریں۔ ڈاکٹر دیوی شٹی کی قیادت والی ماہرین کی کمیٹی نے ...

منگلورو : کلاک ٹاور کے پاس پولیس کی اچانک چیکنگ ۔ غیر ضروری طور پر سڑکوں پر گاڑیاں دوڑانے والوں کے خلاف کی گئی کارروائی

دو دن پہلے شہر میں لاک ڈاون کے اوقات میں کمی کرنے کے بعد سڑکوں پر موٹر گاڑیوں کا ہجوم لگ گیا تھا۔ اس پر قابو پانے کے لئے پولیس کے افسران نے کلاک ٹاور کے پاس اچانک چیکنگ شروع کردی اور غیر ضروری طور پر سڑکوں پر گاڑیاں دوڑانے والوں کے خلاف معاملات درج کرلیے۔

اترکنڑا میں 77373افراد کو کووڈکا دوسرا ٹیکہ دیا جاچکا ہے: صحت عامہ کی رپورٹ

اترکنڑا میں ابھی تک 77173لوگوں کو کووڈکا ٹیکہ لگایاجاچکاہے۔ منگل کی شام 7بجے تک ملی رپورٹ کے مطابق 1590ڈوز باقی ہیں۔ جس میں کووی شیلڈ 740اورکو ویکسن 850ڈوز ٹیکوں کا ذخیرہ موجود ہے۔ اس بات جانکاری  ڈسٹرکٹ  آر سی ایچ افسر ڈاکٹر رمیش راؤ نے دی۔

جناب ایس ایم سید محی الدین مارکیٹ صاحب مرکزی خلیفہ جماعت المسلمین بھٹکل کے نئے صدر منتخب

مرکزی خلیفہ جماعت المسلمین بھٹکل  کے نائب صدرجناب ایس ایم سید محی الدین مارکیٹ صاحب اب مرکزی خلیفہ جماعت المسلمین بھٹکل کے  صدر منتخب ہوئے ہیں۔ پیر کو جماعت کے دفتر میں منعقدہ انتظامیہ میٹنگ میں  انہیں اس عہدہ کےلئے بالاتفاق رائے منتخب کیا گیا۔ یاد رہے کہ خلیفہ جماعت ...

کاروار میں کووڈ ٹیکہ مہم کا افتتاحی پروگرام : ہر ایک ٹیکہ لگوائیں اور اپنی جان کی حفاظت کریں : روپالی نائک

کورونا پر قابو پانے کے لئے حکومتیں کام کررہی ہیں، ملک بھر میں 21جون سے شروع ہوئے مفت کووڈ ٹیکہ مہم میں ہرایک ٹیکہ لگاتے ہوئے اپنی جان کی حفاظت کا سامان کرنے کی رکن اسمبلی روپالی نائک نے عوام سے اپیل کی۔