مرڈیشور میں اترکنڑا ایچ آر ایس یونٹ کی جانب سے خون عطیہ کیمپ کا انعقاد
بھٹکل:7؍ اپریل(ایس اؤ نیوز)ہیومیانٹرین ریلیف سوسائٹی (ایچ آر ایس ) ضلع اترکنڑا یونٹ کی جانب سے 5اپریل 2021 بروزپیر کو مرڈیشور کے ہیومن ویلفئیر ٹرسٹ میں خون عطیہ کیمپ کاانعقاد ہوا۔ جس میں کل 62لوگوں نے اپنے خون کا عطیہ دیتے ہوئے انسانیت کے کام آنے کی بات ایچ آر ایس کے گروپ لیڈر مرڈیشور کے رئیس احمد شیخ نے پریس ریلیز جاری کرتےہوئے بتائی۔
انہوں نے کہاکہ خون عطیہ کیمپ میں کنداپورکے ڈاکٹر شرنو اپنے 9ڈاکٹروں کی ٹیم کے ساتھ شریک ہوتےہوئے ہر طرح کی رہنمائی اور نگرانی کی ۔ ایج آر ایس کے گروپ لیڈر رئیس احمدشیخ نے اپنے والینٹرس کو پوری طرح فعال رکھتے ہوئے بلڈ ڈونیشن کیمپ کو کامیاب بنانے میں اہم رول ادا کیا۔- کیمپ کے انعقاد میں ہیومن ویلفئر ٹرسٹ مرڈیشوراور جماعت المسلمین مرڈیشور کے اراکین کا تعاون حاصل رہا ۔
کیمپ کے انعقاد سے پہلے افتتاحی تقریب کا انعقاد ہوا۔ جس میں سکریٹری مرکزی جماعت المسلمین مرڈیشور مولانا محمد حسین گیما جامعی ،کنداپور کے ڈاکٹر شرنو،ہیومن ویلفئر ٹرسٹ مرڈیشور کے صدرڈاکٹر امین الدین ، قاضی جماعت المسلمین مرڈیشور مولانا عبدالصمد ندوی ، ایچ آر ایس کے ریاستی ممبر مولانا سید محمد زبیر نے اپنے خیالات کااظہار کیا۔
