اُڈپی:طلبا کو بسوں کے کرایے میں رعایت کا مطالبہ لےکر ایس آئی اؤ نے سونپا ڈی سی کو میمورنڈم

Source: S.O. News Service | By Abu Aisha | Published on 14th September 2021, 9:50 PM | ساحلی خبریں |

اُڈپی: 14؍ستمبر(ایس اؤ نیوز)اپنے تعلیمی کیرئیر اور مستقبل کو لےکر ضلع کے غریب اور متوسط طبقے کے طلبا بسوں کے ذریعے اسکول اور کالج پہنچتے ہیں ۔ حالیہ دنوں میں بسوں کا اور خاص کر پرائیویٹ بسوں کے کرایے میں کافی اضافہ ہونے سے طلبا برادری پریشان ہے، ان کی پریشانی کو دورکرنے کےلئے بسوں کے کرایے میں رعایت دینے کا مطالبہ لےکر اسٹوڈنٹس اسلامک آرگنائزیشن آف انڈیا (ایس آئی اؤ)اُڈپی ضلعی شاخ نے ڈی سی کو میمورنڈم سونپا۔

میمورنڈم میں تحریر کیاگیا ہے کہ  کووڈ-19کی وجہ سےبند کئےگئےاسکول اورکالج دوبارہ کھل گئےہیں۔ طلبا و طالبات کووڈ کے گائیڈ لائنس پر عمل کرتےہوئےکلاسوں میں حاضری بھی دے رہےہیں۔ اُڈپی ضلع کے اکثر طلبا اپنے اسکول اور کالج جانےکے لئے عوامی سفر ی نظام کا استعمال کرتےہیں۔ حالیہ دنوں میں پٹرول اورڈیزل کی قیمتوں میں بھی اضافہ ہونے سےپرائیویٹ بسوں کا کرایہ بہت زیادہ بڑھایاگیا ہے۔ جس کی وجہ سےغریب اور متوسط طبقے کےطلبا کو بسوں میں سفرکرنا دشوار ہورہاہے۔ ان وجوہات کی بنا پر بسوں میں سفر کرنے والے طلبا کو کرایے میں رعایت دینے کا مطالبہ میمورنڈم میں کیا ہے۔ ایس آئی اؤ اُڈپی ضلع کے صدر ارباز احمد نے نے اُڈپی کے ڈپٹی کمشنر کو میمورنڈم سونپا۔ اس موقع پر ایس آئی اؤ اُڈپی  ضلع سکریٹری اسجد ہوڑے ، ممبران وسیم عبداللہ ، سیان وغیرہ موجود تھے۔

اہم مطالبات:سٹی بسوں میں منظور کئےجانے والے ’چلو کارڈ‘ پر طلبا کو رعایتی کارڈ کو جلد شروع کریں۔ طلبا کے لئے رعایتی پاس شروع ہونے تک سبھی بسوں میں طلبا کو 50فی صد کرایہ لیاجائے۔ چلو کارڈ کو سبھی سٹی بسوں کے لئے عام کیا جائے یا پھر عام پاس دے کر ہر جگہ قابل اطلاق بنایاجائے۔ طلبا کے رعایتی کارڈ میں ماہانہ ادائیگی حدودمیں ہونی چاہئے۔ ضلع انتظامیہ طلبا اور عوام کو ہونےو الی دشواریوں کو سنجیدگی سےلیتےہوئے ضلع میں زیادہ بسوں کاانتطام کرے ۔ خاص کر دیہی علاقوں میں زیادہ سرکاری بسوں کو دوڑایا جائے۔

ایک نظر اس پر بھی

بیلتنگڈی : ریاست میں لگی ہے غیر اعلان شدہ ایمرجنسی ۔ کانگریسی لیڈر وسنت بنگیرا کا الزام

مندروں کو منہدم کرنے کی ریاستی  پالیسی کے خلاف احتجاجی مظاہرے سے خطاب کرتے ہوئے سابق ایم ایل اے اور کانگریسی لیڈر وسنت بنگیرا نے الزام لگایا کہ حکومت کی طرف سے  ریاست میں غیر معلنہ ایمرجنسی نافذ کی گئی ہے جس کے چلتے احتجاجی مظاہرے منعقد کرنے میں رکاوٹ پیدا کی جارہی ہے ۔

بھٹکل : ضلع شمالی کینرا میں بجلی سربراہی کی مسئلہ پر وزیر توانائی کے ساتھ اراکین اسمبلی نے کی گفتگو

کرناٹکا ودھان سودھا میں اسپیکر وشویشورا ہیگڈے کاگیری اور ضلع شمالی کینرا انچارج وزیر شیورام ہیبار کی موجودگی میں کمٹہ، ہلیال اور بھٹکل کے اراکین اسمبلی نے وزیرتوانائی سنیل کمار سے ملاقات کی اور کاروار، انکولہ سرسی، ہوناوراور بھٹکل جیسے مقامات بجلی سربراہی سے متعلق مسائل ...

بھٹکل : سمیع اللہ اِٹّل پھر ایک بار شاہین اسپورٹس سینٹر کے صدرمنتخب ؛ جسّاد سعدا ندوی کا جنرل سکریٹری کے طور پر انتخاب

بھٹکل مخدوم کالونی  کے  شاہین اسپورٹس سینٹر کے لئے سمیع اللہ اِٹّل     پھر ایک بار صدر کے عہدہ پر منتخب ہوگئے جبکہ  مولوی  جسّاد سعدا ندوی کا جنرل سکریٹری کے طور پر انتخاب عمل میں آیا۔ عہدیداران کا انتخاب جمعرات  بعد نماز عشاء   فاطمہ علی  ہال میں منعقد ہوا۔

بھٹکل : بلدیہ ملازمین کے لئے مکانات کی تعمیر سست روی کا شکار

بھٹکل ٹاون میونسپالٹی میں صفائی کرمچاری کی ذمہ داری انجام دینے والے ملازمین کے لئے رہائشی اسکیم کے تحت جو مجوزہ مکانات کی تعمیر سست رفتاری کا شکار ہوگئی ہے اور ملازمین کے لئے گھروں کا بندوبست ابھی تک ادھورا خواب بنا ہوا ہے۔

مینگلور: ہندتوا کے نام پر اقتدار پانے والی حکومت پورے دیش کو برباد کر سکتی ہے : ایچ جے وی کے بانی صدر رمیش شیٹی نے ظاہر کیا خدشہ

میسور میں ہوئے مندرانہدام کی مذمت میں ریاستی حکومت کے خلاف منعقدہ احتجاجی مظاہرے سے خطاب کرتے ہوئے ہندو جاگرن ویدیکے کے بانی صدر رمیش شیٹی تمیروڈی نے کہا کہ ہندوتوا کے نام پر اقتدار پر آنے والی مرکزی حکومت دیش کی املاک فروخت کرنے میں لگی ہوئی ہے اور ایسا لگتا ہے کہ آنے والے ...