اڈپی،7 / جون (ایس او نیوز) گوا سے ممبئی کے لئے جو  'وندے بھارت ایکسپریس' ٹرین شروع کی جا رہی ہے اسے منگلورو تک توسیع دینے کا مطالبہ اڈپی کے ایم ایل اے یشپال سوورنا نے کیا ہے۔
    
ذرائع سے ملی اطلاع کے مطابق یشپال سوورنا نے زراعت اور کسانوں کی بہبود کی وزیر مملکت  شوبھا کرندلاجے کو ایک مراسلہ بھیج کر اس معاملے میں کرندلاجے کا تعاون طلب ہے ۔ انہوں نے اس مراسلہ میں کہا ہے کہ: " وندے بھارت ایکسپریس کو منگلورو تک توسیع دینے کا یہ مطالبہ اڈپی اور منگلورو کے عوام کی طرف سے کر رہا ہوں ۔ چونکہ گوا - ممبئی وندے بھارت ایکسپریس جلد ہی شروع ہونے والی ہے اس لئے میری درخواست ہے کہ آپ اس معاملے میں ریلوے کے وزیر سے درخواست کریں اور اس ٹرین کو منگلورو تک توسیع دلوائیں ۔"
    
یشپال سوورنا نے کاروار سے بینگلورو ہوتے ہوئے تروپتی کے لئے بھی ایک نئی ٹرین جاری کرنے کی درخواست اپنے مذکورہ مراسلے میں کی ہے ۔