اُڈپی:07؍نومبر(ایس اؤ نیوز)فی الوقت رائے دہندگان بی جےپی سے کافی بیزار اور مایوس ہیں، بی جےپی کا واحد متبادل کانگریس ہی ہے، دستور، جمہوریت کی بقا کے لئے کانگریس کا دوبارہ اقتدار میں آنا ضروری ہے، جس کے لئےکارکنان کی قوت درکار ہونے کا ودھان سبھا میں حزب مخالف لیڈر سدرامیا نے خیال ظاہر کیا۔

شہر کے پوربھون میں کانگریس سماویش کا افتتاح کرنے کے بعد خطاب کرتےہوئے سدرامیا نے کہاکہ ساحلی پٹی پر کانگریس  کمزور ہے یہ بات سچ ہے مگر اس کو مضبوط و مستحکم کرنا ہے  ، اس سے پہلے جس طرح اُلال سے اُڈپی تک جس طرح سدبھاؤنا یاترا کی گئی تھی پارٹی کے استحکام کے لئے دوبارہ ایسی یاترا کرنےکااعلان کیا۔

بی جے پی پر سخت تنقید کرتےہوئے سدرامیا نےکہاک بی جے پی ایک جھوٹی پارٹی ہے، عوام کے سروں میں جھوٹ اور نفرت بھر کر اقتدار پایا ہے، سدرامیا ، راہل گاندھی مسلمانوں کے حمایتی ، ہندو مخالف ہونےکا شوشہ چھوڑا ہے، ہم بی جےپی کی طرح ڈھونگی ہندونہیں ہیں، خالص ہندو ہیں، مسلم ، عیسائی ، ہندو کو بیک وقت ایک ساتھ متحدہ طورپر لے کر چلنے والی پارٹی کانگریس ہے۔ بی جےپی کو اقتدار کی تقسیم پر اعتماد نہیں ہے، پسماندہ ، اقلیت، دلت اور عورتوں کو اقتدار دینے کےلئےوہ تیار نہیں ہیں، اسی لئے ریزوریشن رد کرنےکےلئے بی جےپی لیڈر راماجوئس سپریم کورٹ میں رٹ عرضی داخل کرنےکا حوالہ دیتےہوئے تنقید کی ۔

بی جےپی اپنے 6سالہ اقتدار میں کوئی بہتر کام نہیں کیا ہے، نوٹ بندی، جی ایس ٹی کے نام پر غریبوں کو پریشان کرنا ہی ان کا سب سے بڑا کارنامہ بتاتے ہوئے تنقید کی۔ کسانوں کی آمدنی دوگنی نہیں ہوئی ، جی ڈی پی پاتال کو پہنچ رہی ہے، بیرونی ممالک سے کالا دھن نہیں آیا۔ عالمی بھوک فہرست میں بھارت، نیپال، پاکستان سے بھی پیچھے ہے۔ غربت اور روزگار میں اضافہ ہورہاہے، صنعت کار ی بند ہورہی ہے۔ سدرامیا نے کہاکہ ملک کی تاریخ میں مودی جیسا جھوٹا وزیرا عظم کبھی  دیکھنا ممکن نہیں ہے۔

بی جےپی میں کوئی ایسا نہیں ہے جس نے ملک کی آزادی میں شریک ہواہو، اسی لئے سردار ولبھ بھائی پٹیل سے ناانصافی کا بہانہ بنا کر انہیں اغواء کیاگیا ہے۔ امبیڈکر، گاندھی جی بھی ہمارے ہیں، سدرامیان نے سوال کیا کہ دستور بدلنے والوں ، گاندھی جی کے قاتل گوڈسے کو پوجنے والوں کی  حقیقت میں  کیا کوئی اخلاقی حیثیت بھی ہے۔ انہوں نے کانگریس حکومت کی طرف سے جاری کئے گئے کئی اسکیموں کا تذکرہ کرتےہوئے بتایا کہ بی جےپی منصوبہ بند سازش سے جھوٹ کو پھیلانےکا الزام لگایا۔

پروگرام میں مہیلاکانگریس کی صدر پشپا امرناتھ، کانگریس ضلع صدر اشوک کمار، لیڈرران ونئےکمار سورکے ، پرمود مدھواراج،  وشوناتھ نارائن سوامی ، گوپال پجاری ، جی اے باوا، عبدالغفور ،روشنی اولی ویرا وموجود تھے۔