ہوناور میں ٹرک اور کار کی ٹکر؛ ایک ہلاک، چار شدید زخمی
ہوناور 18؍مارچ (ایس او نیوز) تعلقہ کےنیشنل ہائی وے 66پر لاری اور کار کے درمیان ہوئے زبردست تصادم میں ایک شخص کی موقع پر ہی موت واقع ہوگئی، جبکہ دیگر چار شدید زخمی ہوگئے جنہیں ابتدائی طبی امداد کے بعد اُڈپی روانہ کیا گیا ہے۔
مرنے والے کی شناخت وجئے کمار (۳۲) کی حیثیت سے کی گئی ہے۔
اطلاع کے مطابق ایمّے پائیل نامی علاقے میں یہ حادثہ آج پیر دوپہر کو پیش آیا ۔ کار میں سفر کررہے افراد چامراج نگر گنڈلو پیٹ کے رہنے والے تھے اور وہ سب گوا سے میسورو کی طرف واپس لوٹ رہے تھے ، جبکہ مخالف سمت سے آنے والی لاری پونا جارہی تھی
ہوناور پولیس نے جائے حادثہ پر پہنچ کر معائنہ کیا اور کیس درج کرنے کے بعد تحقیقات شروع کردی ہے۔
