چکمگلورو کے موڈگیری تعلقہ میں کار حادثے کا شکار : تین ہلاک ، دو شدید زخمی
چکمگلورو:25؍اکتوبر(ایس اؤ نیوز) ضلع کے موڈگیری تعلقہ کے بڈوندنے برج کے قریب ایک کار پلٹا کھانے سے کار میں سفر کر رہے تین لوگ ہلاک اور دو شدید زخمی ہونے کا واقعہ پیش آیا ہے۔
برج پر سے گزرنے کے دوران سڑک کے درمیان کتانظر آیا تو ٹکرانے سے بچانے کی دھن میں حادثہ وقوع پذیر ہونے کی چشم دید وں نے بات کہی ہے۔ سبھی مہلوکین بنگلورو کے ہیں ، دھرمستھل سے لوٹنے کے دوران حادثہ پیش آیا ہے۔ زخمیوں کا مقامی اسپتال میں علاج جاری ہے۔بنکل تھانہ پولس حفاظتی اقدامات میں مصروف رہنےکی اطلاعات ملی ہیں۔
