بھٹکل:17/اگست (ایس اؤنیوز)شہر بھٹکل اور نواحی علاقوں میں یکے بعد دیگرے لگاتارمکانات کی چوری میں اضافہ ہوتاجارہاہے، گھر میں جب کوئی نہیں رہتاتو اس کا بھرپور استعمال کرتے ہوئے چور گھروں میں گھس کر زیورات،نقد رقم سمیت قیمتی اشیاء لوٹ کر فرار ہورہے ہیں۔ دن بدن اس طرح گھروں کی چوری سے مالکان اور عوام پریشان ہیں اور گھر سےنکلنا ہی دشوار ہورہاہے۔

جمعرات کو بھی ایسا ہی ایک چوری کاواقعہ پیش آیا ہے لیکن گھر میں چوروں کو زیورات ، نقد رقم وغیرہ نہیں ملنے سے صرف کپڑے وغیرہ لے کر فرار ہوئے ہیں۔ نوائط کالونی حدود کے موسیٰ نگر میں امین الدین روڈ پر محتشم مختار کے گھر ’’فرحین منزل ‘‘ میں چوری ہونے کی واردات پیش آئی ہے۔ گھر مالک خلیج میں مقیم ہونے سے گھر پر کوئی نہیں رہتا۔ البتہ گھر کی دیکھ ریکھ کے لئے ایک شخص موجود ہے جو دو تین دنوں میں ایک مرتبہ گھر آجایا کرتے رہتے ہیں۔ جمعرات کی صبح حسب معمول متعلقہ شخص گھر پہنچے تو گھر میں چوری ہونے کا پتہ چلا۔ گھر میں نقدرقم، سونے کے زیورات وغیرہ نہیں تھے تو چوروں نے صرف پکڑے وغیرہ لےکر فرار ہوئے ہیں۔ معاملے کو لے کر شہری پولس تھانے میں شکایت دی گئی ہے۔ گذشتہ 2سال پہلے اسی گھرمیں چوروں نے ہاتھ صفائی کئے جانےکی اطلاعات موصول ہوئی ہیں۔