کمٹہ کے تدڑی میں سیاحوں کی کشتی ڈوبنے کا معاملہ : محکمہ ٹورازم کی کارروائی - 21 ٹورسٹ بوٹس کا لائسنس منسوخ

Source: S.O. News Service | Published on 21st May 2024, 11:46 AM | ساحلی خبریں |

کمٹہ ، 21 / مئی (ایس او نیوز) تعلقہ کے تدڑی موڈنگی میں سیاحوں کی کشتی ڈوبنے کا جو معاملہ پیش آیا تھا اس پر محکمہ سیاحت کی طرف سے کارروائی کی گئی اور غیر قانونی طور پر یا لائسنس کی تاریخ ختم ہونے کے باوجود چلائی جا رہی ٹورسٹ بوٹس کے اجازت نامے عبوری طور پر منسوخ کر دئے گئے۔ 
    
یاد رہے کہ کشتی کی گنجائش کو نظر انداز کرتے ہوئے حد سے زیادہ سیاحوں کو کشتی میں بٹھانے کی  وجہ سے موڈنگی میں غرقابی کا حادثہ 19 مئی کو پیش آیا تھا ۔ چونکہ کشتی میں سوار تمام سیاح لائف جیکیٹس پہنے ہوئے تھے اس لئے وہ جانی نقصان سے محفوظ رہے ۔ 
    
محکمہ سیاحت کے ڈپٹی ڈائریکٹر جینت نے کل جائے وقوع پر پہنچ کر حالات کا جائزہ لیا تو معلوم ہوا کہ جو کشتی حادثے کا شکار ہوئی تھی اس کے مالک نے ٹورازم ڈپارٹمنٹ کی طرف سے بوٹنگ یا دوسری سرگرمیوں کے لئے کوئی اجازت نامہ حاصل نہیں کیا تھا ۔ اسی طرح موڈنگی میں کئی لوگوں کی طرف سے لائسنس حاصل کیے بغیر ہی بوٹنگ کی سرگرمیاں چلائے جانے کی بات بھی سامنے آئی ۔ ایسے تمام افراد کے خلاف قانونی کارروائی کی تنبیہ کی گئی ۔
    
جائزے کے دوران یہ بات بھی معلوم ہوئی کہ گوکرن اور کمٹہ علاقے میں بوٹنگ یا کشتی رانی کی سرگرمیاں چلانے والے افراد نے لائسنس حاصل کرنے کے لئے جو دستاویزات پیش کیے تھے ان میں سے بعض دستاویزات کی مدت بھی ختم ہو چکی ہے ۔ ایسے تمام اجازت نامے منسوخ کر دئے گئے ۔ پورے اتر کنڑا ضلع میں غیر قانونی طور پر بوٹنگ کی سرگرمیاں چلانے والی تمام کشتیوں پر روک لگا دی گئی ہے ۔ اس سلسلے میں کوسٹ گارڈ اور محکمہ پولیس کو معلومات فراہم کر دی گئی ہیں ۔ 

ایک نظر اس پر بھی

اتر کنڑا میں نیشنل ہائی وے پر حادثے میں موت ہونے پر افسران کے خلاف درج ہوگا مقدمہ - نومنتخب رکن پارلیمان کاگیری نے دی وارننگ

نومنتخب رکن پارلیمان وشویشورا ہیگڑے کاگیری نے محکمہ جاتی افسران کے ساتھ منعقدہ اپنی پہلی میٹنگ میں ضلع پولیس سپرنٹنڈنٹ کو سخت ہدایت دیتے ہوئے کہا کہ اگر ضلع اتر کنڑا میں غیر سائنٹفک انداز میں کیے گئے نیشنل ہائی وے کے تعمیراتی کام کی وجہ سے حادثہ رونما ہوتا ہے اور اس میں عام ...

بھٹکل تعلقہ ہاسپٹل رکھشا سمیتی کی میٹنگ میں وزیر منکال وئیدیا نے دیا تیقن : 250 بستروں والا اسپتال جلد ہوگا منظور

بھٹکل تعلقہ ہاسپٹل کے ہال میں ایڈمنسٹریٹیو میڈیکل آفیسر ڈاکٹر سویتا کامت کی صدارت میں منعقدہ ہاسپٹل رکھشا سمیتی کی میٹنگ میں ضلع انچارج وزیر منکال وئیدیا نے تیقن دیا کہ یہاں 250 بستروں والا ہاسپٹل جلد ہی منظور ہو جائے گا

بھٹکل پولیس گراونڈ میں راستے پر لگے بیریکیڈس - اسسٹنٹ کمشنر نے دیا 'جوں کی توں حالت' برقرار رکھنے کا حکم

پولیس میدان سے گزرنے والے عام پیدل راستے پر پولیس کی طرف سے لگائی گئی رکاوٹوں کے سلسلے میں بھٹکل اسسٹنٹ کمشنر ڈاکٹر نئینا نے اس زمین کا سروے مکمل ہونے تک جوں کی توں حالت برقرار رکھنے کے احکام جاری کیے

منگلورو میں طلباء کے والدین کو دھمکی والے فون کالس - پولیس کمشنر نے کہا : پولینڈ اور پاکستان کے کوڈ کا ہوا ہے استعمال

منگلورو شہر کے علاوہ سورتکل میں 11 اور 12 جون کو کالجوں میں زیر تعلیم طلباء کے والدین کو ان کے بچوں کے اغوا یا سنگین جرائم میں گرفتاری کی بات کہتے ہوئے تاوان کی رقم طلب کرنے کے  جو دھمکی والے فون کالس آئے تھے اس کے سلسلے میں پولیس کمشنر نے انوپم اگروال نے بتایا کہ فریب کاروں نے فون ...

بھٹکل میں وزیر منکال وئیدیا نے افسران سے کہا : کام کرنا ہے تو رہیں ورنہ دوسری جگہ چلے جائیں 

اسسٹنٹ کمشنر کے دفتر میں مانسون اور قدرتی آفات سے متعقلہ معاملات سے نمٹنے کے اقدامات کا جائزہ لینے کے لئے کل جو میٹنگ منعقد ہوئی تھی اس میں افسران سے خطاب کرتے ہوئے ضلع انچارج وزیر منکال وئیدیا نے کہا جن لوگوں کو کام کرنے میں دلچسپی ہے وہ لوگ یہاں رہیں اور جنہیں دلچسپی نہیں ہے ...

منگلورو : بی جے پی کارکنان کے خلاف کیس داخل کرنے میں کانگریس کا ہاتھ ہے ۔ کیپٹن چوتا کا الزام

دکشن کنڑا حلقے سے بی جے پی کے نومنتخب رکن پارلیمان کیپٹن برجیش چوتا نے کانگریس پر الزام لگایا کہ اس کے دباو کی وجہ سے بولیار چاقو زنی معاملے میں پولیس نے بی جے پی کارکنان پر کیس داخل کیا ہے ۔