سرسی : کار خریدی کے نام پر بینکوں کو دھوکہ دینے کے الزام تین افراد پر کیس درج 

Source: S.O. News Service | Published on 20th May 2024, 5:52 PM | ساحلی خبریں |

سرسی،  20 مئی (ایس او نیوز) کار خریدی کے نام پر بینک کو دھوکہ دینے اور نقلی دستاویزات کے ذریعے لاکھوں روپے قرضہ حاصل کرنے کے الزام میں رویش ہیگڑے، وینکٹرمنا گجانن ہیگڑے اور منی کنٹا چندرا شیکھر نائک کے خلاف کیس درج کیا گیا ہے ۔
    
کے ڈی سی سی بینک کی منیجر انیتا پانڈو رنگ نیرلکٹی کی جانب سے سی پی بازار پولیس اسٹیشن میں درج کروائی گئی شکایت کے مطابق رویش ہیگڑے نے ہیونڈائی کمپنی کی کار خریدنے کے لئے قرضہ طلب کرتے ہوئے کے ڈی سی سی بینک کو درخواست دی تھی ۔ پھر ضروری دستاویزات کے ساتھ وینکٹرمنا ہیگڑے اور منی کنٹا نائک دو افراد کو بطور ضامن پیش کیا تھا ۔ اس بنیاد پر بینک نے کار خریدی کے لئے 24,19,449 روپے قرضہ منظور کیا تھا ۔ 

اس کے بعد رویش نے کار خریدنے، انشورنس بھرنے اور رجسٹریشن جیسے تمام دستاویزات بینک میں جمع کروائے ۔ ایک سفید رنگ کی ہونڈائی کریٹا کار بھی بینک سامنے کھڑی کرکے اس کی چابی بھی بینک کے حوالے کی ۔ اس کے علاوہ قرضے کی قسطیں بھی ادا کرتا رہا ۔    
    
دھوکہ دہی کا معاملہ اس وقت سامنے آیا جب کسی دوسرے معاملے میں تفتیش کے دوران بینک کو پتہ چلا کہ رویش کے ذریعے پیش کیے گئے تمام دستاویزات نقلی ہیں ۔ کار کی چابی بھی نقلی ہے اور حقیقت میں رویش نے کار خریدی ہی نہیں ہے ۔ 
    
اب بینک منیجر کی شکایت پر پولیس نے رویش سمیت دیگر ملزمین پر چار سو بیسی کا کیس درج کیا ہے اور ان کی گرفتاری کے لئے کارروائی جاری ہے ۔ 

ایک نظر اس پر بھی

اتر کنڑا میں نیشنل ہائی وے پر حادثے میں موت ہونے پر افسران کے خلاف درج ہوگا مقدمہ - نومنتخب رکن پارلیمان کاگیری نے دی وارننگ

نومنتخب رکن پارلیمان وشویشورا ہیگڑے کاگیری نے محکمہ جاتی افسران کے ساتھ منعقدہ اپنی پہلی میٹنگ میں ضلع پولیس سپرنٹنڈنٹ کو سخت ہدایت دیتے ہوئے کہا کہ اگر ضلع اتر کنڑا میں غیر سائنٹفک انداز میں کیے گئے نیشنل ہائی وے کے تعمیراتی کام کی وجہ سے حادثہ رونما ہوتا ہے اور اس میں عام ...

بھٹکل تعلقہ ہاسپٹل رکھشا سمیتی کی میٹنگ میں وزیر منکال وئیدیا نے دیا تیقن : 250 بستروں والا اسپتال جلد ہوگا منظور

بھٹکل تعلقہ ہاسپٹل کے ہال میں ایڈمنسٹریٹیو میڈیکل آفیسر ڈاکٹر سویتا کامت کی صدارت میں منعقدہ ہاسپٹل رکھشا سمیتی کی میٹنگ میں ضلع انچارج وزیر منکال وئیدیا نے تیقن دیا کہ یہاں 250 بستروں والا ہاسپٹل جلد ہی منظور ہو جائے گا

بھٹکل پولیس گراونڈ میں راستے پر لگے بیریکیڈس - اسسٹنٹ کمشنر نے دیا 'جوں کی توں حالت' برقرار رکھنے کا حکم

پولیس میدان سے گزرنے والے عام پیدل راستے پر پولیس کی طرف سے لگائی گئی رکاوٹوں کے سلسلے میں بھٹکل اسسٹنٹ کمشنر ڈاکٹر نئینا نے اس زمین کا سروے مکمل ہونے تک جوں کی توں حالت برقرار رکھنے کے احکام جاری کیے

منگلورو میں طلباء کے والدین کو دھمکی والے فون کالس - پولیس کمشنر نے کہا : پولینڈ اور پاکستان کے کوڈ کا ہوا ہے استعمال

منگلورو شہر کے علاوہ سورتکل میں 11 اور 12 جون کو کالجوں میں زیر تعلیم طلباء کے والدین کو ان کے بچوں کے اغوا یا سنگین جرائم میں گرفتاری کی بات کہتے ہوئے تاوان کی رقم طلب کرنے کے  جو دھمکی والے فون کالس آئے تھے اس کے سلسلے میں پولیس کمشنر نے انوپم اگروال نے بتایا کہ فریب کاروں نے فون ...

بھٹکل میں وزیر منکال وئیدیا نے افسران سے کہا : کام کرنا ہے تو رہیں ورنہ دوسری جگہ چلے جائیں 

اسسٹنٹ کمشنر کے دفتر میں مانسون اور قدرتی آفات سے متعقلہ معاملات سے نمٹنے کے اقدامات کا جائزہ لینے کے لئے کل جو میٹنگ منعقد ہوئی تھی اس میں افسران سے خطاب کرتے ہوئے ضلع انچارج وزیر منکال وئیدیا نے کہا جن لوگوں کو کام کرنے میں دلچسپی ہے وہ لوگ یہاں رہیں اور جنہیں دلچسپی نہیں ہے ...

منگلورو : بی جے پی کارکنان کے خلاف کیس داخل کرنے میں کانگریس کا ہاتھ ہے ۔ کیپٹن چوتا کا الزام

دکشن کنڑا حلقے سے بی جے پی کے نومنتخب رکن پارلیمان کیپٹن برجیش چوتا نے کانگریس پر الزام لگایا کہ اس کے دباو کی وجہ سے بولیار چاقو زنی معاملے میں پولیس نے بی جے پی کارکنان پر کیس داخل کیا ہے ۔