ادیب و شاعر نفرت کی آگ کو گلزار بنانے کا کام کریں: بھٹکل میں منعقدہ شعری نشست میں سالک ندوی ‌کا‌اظہار خیال

Source: S.O. News Service | Published on 21st May 2024, 10:43 AM | ساحلی خبریں |

بھٹکل، 21/مئی (ایس او نیوز) وطن عزیز ان دنوں انتہائی اہم دور سے گزر رہا ہے۔ایک طرف تہذیبی جارحیت نے ان ہنگاموں کو نہایت سنگین بنا دیا ہے تو دوسری طرف فرقہ پرستی، تنگ نظری،لسانی عصبیتیں، اور طبقاتی کشمکش عروج پر ہے اور بے چہرگی کی بھیڑ میں انسانوں کا وجود ہی گم ہو گیا ہے۔ان حالات میں جہاں ہر باشندے کی ذمہ داری میں اضافہ ہو جاتا ہے وہیں حالات  سدھارنے کے لیے ادیب اور شاعر کا رول بہت زیادہ بڑھ جاتا ہے۔ بھٹکل میں ہرپل آن لائن کی ادبی کمیٹی کی طرف سے لبیک نوائط ایسوسی ایشن بھٹکل کے زیر انتظام منعقد ایک شعری نشست میں کلیدی گفتگو کرتے ہوئے سید احمد سالک ندوی نے ان خیالات کا اظہار کیا۔انہوں نے مزید کہا کہ شاعر کو اپنے حلقۂ احباب سے نکل کر انسانیت ،حریت اور مساوات کی اس لڑائی میں سب کے ساتھ شریک ہونا چاہیے۔ملک میں جو نفرتوں کی آگ بھڑکائی گئی ہے اس آگ کو گلزار بنانے کا کام شاعر اور ادیب ہی بہتر طور پر انجام دے سکتے ہیں۔موجودہ حالات کے پیش نظر انہوں نے اپیل کی کہ ملک کی تعمیر نو اور سماج کی تشکیل نو کے لیے ادیب اور شاعر  اپنا کردار ادا کریں اور اپنی تخلیقی صلاحیتوں کا مظاہرہ کرتے ہوئے اس صورتحال سے مقابلے کے لیے پوری مستعدی کے ساتھ آگے ائیں۔سالک ندوی نے یاد دلایا کہ اپنے نظریے کے تصور حق کو متعارف کرانا اس وقت تعمیری ادب سے وابستہ ادیب اور فنکار کی سب سے بڑی ذمہ داری ہے۔

خیال رہے کہ ہر پل آن لائن بھٹکل شعر وادب کے ماحول کو زندہ رکھنے کے لیے ہر ماہ شعری نشستوں کا انعقاد کرتا ہے اس مرتبہ مشاعرے میں دبئی سے تشریف لائے ممتاز شاعروادیب مولانا محمد نعمان اکرمی ندوی بحیثیت مہمان خصوصی شریک تھے۔ مشاعرے کی صدارت ریاست کرناٹکا کے معروف صحافی و شاعر،ادارہ ادب اسلامی حلقہ کرناٹک کے سابق صدر ڈاکٹر محمد حنیف شباب نے کی۔ مشاعرے میں اقبال سعیدی،نعمان اکرمی‌ ندوی،الیاس آفاق سنہری، سید ابوبکر مالکی، سہیل عرشی، رائف کولا ندوی، میم غازی، اسعد کرناٹکی، انیس بھٹکلی اور سید احمد سالک ندوی نے اپنا بہترین کلام پیش کرکے سامعین کے ذوق کی تسکین کی۔ مشاعرے کی نظامت جناب اسامہ قاضی نے کی جب کہ مشاعرہ کمیٹی کے سرگرم رکن مولوی بشار رکن الدین ندوی نے حاضرین کا شکریہ ادا کیا رات قریب 12 بجے خاطر تواضع کے ساتھ یہ نشست اختتام کو پہنچی۔لبیک نوائط ایسوسی ایشن بھٹکل کے ہال میں منعقد اس نشست میں شہر کے باذوق سامعین قابل ذکر تعداد میں موجود تھے۔

ایک نظر اس پر بھی

اتر کنڑا میں نیشنل ہائی وے پر حادثے میں موت ہونے پر افسران کے خلاف درج ہوگا مقدمہ - نومنتخب رکن پارلیمان کاگیری نے دی وارننگ

نومنتخب رکن پارلیمان وشویشورا ہیگڑے کاگیری نے محکمہ جاتی افسران کے ساتھ منعقدہ اپنی پہلی میٹنگ میں ضلع پولیس سپرنٹنڈنٹ کو سخت ہدایت دیتے ہوئے کہا کہ اگر ضلع اتر کنڑا میں غیر سائنٹفک انداز میں کیے گئے نیشنل ہائی وے کے تعمیراتی کام کی وجہ سے حادثہ رونما ہوتا ہے اور اس میں عام ...

بھٹکل تعلقہ ہاسپٹل رکھشا سمیتی کی میٹنگ میں وزیر منکال وئیدیا نے دیا تیقن : 250 بستروں والا اسپتال جلد ہوگا منظور

بھٹکل تعلقہ ہاسپٹل کے ہال میں ایڈمنسٹریٹیو میڈیکل آفیسر ڈاکٹر سویتا کامت کی صدارت میں منعقدہ ہاسپٹل رکھشا سمیتی کی میٹنگ میں ضلع انچارج وزیر منکال وئیدیا نے تیقن دیا کہ یہاں 250 بستروں والا ہاسپٹل جلد ہی منظور ہو جائے گا

بھٹکل پولیس گراونڈ میں راستے پر لگے بیریکیڈس - اسسٹنٹ کمشنر نے دیا 'جوں کی توں حالت' برقرار رکھنے کا حکم

پولیس میدان سے گزرنے والے عام پیدل راستے پر پولیس کی طرف سے لگائی گئی رکاوٹوں کے سلسلے میں بھٹکل اسسٹنٹ کمشنر ڈاکٹر نئینا نے اس زمین کا سروے مکمل ہونے تک جوں کی توں حالت برقرار رکھنے کے احکام جاری کیے

منگلورو میں طلباء کے والدین کو دھمکی والے فون کالس - پولیس کمشنر نے کہا : پولینڈ اور پاکستان کے کوڈ کا ہوا ہے استعمال

منگلورو شہر کے علاوہ سورتکل میں 11 اور 12 جون کو کالجوں میں زیر تعلیم طلباء کے والدین کو ان کے بچوں کے اغوا یا سنگین جرائم میں گرفتاری کی بات کہتے ہوئے تاوان کی رقم طلب کرنے کے  جو دھمکی والے فون کالس آئے تھے اس کے سلسلے میں پولیس کمشنر نے انوپم اگروال نے بتایا کہ فریب کاروں نے فون ...

بھٹکل میں وزیر منکال وئیدیا نے افسران سے کہا : کام کرنا ہے تو رہیں ورنہ دوسری جگہ چلے جائیں 

اسسٹنٹ کمشنر کے دفتر میں مانسون اور قدرتی آفات سے متعقلہ معاملات سے نمٹنے کے اقدامات کا جائزہ لینے کے لئے کل جو میٹنگ منعقد ہوئی تھی اس میں افسران سے خطاب کرتے ہوئے ضلع انچارج وزیر منکال وئیدیا نے کہا جن لوگوں کو کام کرنے میں دلچسپی ہے وہ لوگ یہاں رہیں اور جنہیں دلچسپی نہیں ہے ...

منگلورو : بی جے پی کارکنان کے خلاف کیس داخل کرنے میں کانگریس کا ہاتھ ہے ۔ کیپٹن چوتا کا الزام

دکشن کنڑا حلقے سے بی جے پی کے نومنتخب رکن پارلیمان کیپٹن برجیش چوتا نے کانگریس پر الزام لگایا کہ اس کے دباو کی وجہ سے بولیار چاقو زنی معاملے میں پولیس نے بی جے پی کارکنان پر کیس داخل کیا ہے ۔