مرڈیشور بستی مکّی میں جنگلاتی زمین پر قبضہ - وزیر منکال وئیدیا پر اٹھ رہی ہیں انگلیاں - محکمہ جنگلات نے لگائی روک

Source: S.O. News Service | Published on 21st May 2024, 11:52 AM | ساحلی خبریں |

بھٹکل،  21 / مئی (ایس او نیوز) مرڈیشور بستی مکّی میں موجود اتر کنڑا ضلع انچارج وزیر منکال وئیدیا کی صدارت میں چل رہے بینا وئیدیا اسکول سے متصل جنگلاتی زمین پر ناجائز قبضے کی کوشش کے بعد محکمہ جنگلات نے مداخلت کرتے ہوئے وہاں چل رہی کھدائی اور صفائی کے کام پر روک لگا دی ہے ، مگر اس ناجائز قبضے کے معاملے میں مبینہ طور پر وزیر منکال وئیدیا کا ہاتھ ہونے کی بات سوشیل میڈیا پر بحث کا موضوع بنی ہے ۔
    
 کاروار سے شائع ہونے والے معروف کنڑا روزنامہ کراولی  منجاو میں شائع رپورٹ کے مطابق  منکال وئیدیا سے متصل تقریباً ایک ایکڑ سے زائد جنگلاتی زمین پر گزشتہ تین چار دن سے درختوں کی کٹائی اور زمین کی صفائی کے علاوہ مٹی کی کھدائی کا عمل جے سی بی اور ٹیپرس کی مدد سے چل رہا تھا ۔ اور مبینہ طور پر یہ سب کچھ وزیر منکال وئیدیا کے اشارے پر ہی ہو رہا تھا ۔ جب اس جنگلاتی زمین پر ناجائز قبضے کی بات محکمہ جنگلات کے علم میں لائی گئی تو متعلقہ افسران نے موقع پر پہنچ کر جائزہ لیا اور وہاں چل رہے کام پر روک لگا دی ۔ 
    
بتایا گیا  ہے کہ دراصل بستی مکّی میں منکال وئیدیا کا اسکول ان کی ذاتی زمین پر تعمیر کیا گیا ہے ۔ اس سے متصل محکمہ جنگلات کی زمین ہے ۔ اب اسکول کے لئے کھیل کود کے میدان اور دوسری سرگرمیوں کے لئے جس جگہ پر کھدائی اور صفائی کی جا رہی ہے وہ محکمہ جنگلات والا حصہ ہے اور اپوزیشن لیڈر الزام لگا رہے ہیں کہ وزیر منکال وئیدیا کی طرف سے اس پر ناجائز قبضہ کیا جا رہا ہے ۔ اپوزیشن لیڈروں کا مطالبہ ہے کہ اس ناجائز قبضے کے پس منظر میں وزیر موصوف کے خلاف محکمہ جنگلات کی طرف سے قانونی کارروائی ہونی چاہیے ۔ ان کا کہنا ہے کہ جس قانون کے تحت جنگلاتی زمین پر تعمیر کیے گئے غریبوں کے گھروں کو گرا دیا جاتا ہے اسی قانون کو وزیر کے معاملے میں بھی لاگو کیا جائے ۔
    
محکمہ جنگلات کے افسران کا کہنا ہے کہ ہم نے غیر قانونی قبضے پر فی الحال روک لگائی ہے ۔ جے سی بی اور ٹیپر آپریٹرس کے خلاف معاملہ درج کیا جائے گا ۔ جنگلاتی زمین اور مالکی زمین کی حدیں طے کرنا باقی ہے، اس کی نشاندہی کے بعد ضروری کارروائی کی جائے گی ۔

ایک نظر اس پر بھی

اتر کنڑا میں نیشنل ہائی وے پر حادثے میں موت ہونے پر افسران کے خلاف درج ہوگا مقدمہ - نومنتخب رکن پارلیمان کاگیری نے دی وارننگ

نومنتخب رکن پارلیمان وشویشورا ہیگڑے کاگیری نے محکمہ جاتی افسران کے ساتھ منعقدہ اپنی پہلی میٹنگ میں ضلع پولیس سپرنٹنڈنٹ کو سخت ہدایت دیتے ہوئے کہا کہ اگر ضلع اتر کنڑا میں غیر سائنٹفک انداز میں کیے گئے نیشنل ہائی وے کے تعمیراتی کام کی وجہ سے حادثہ رونما ہوتا ہے اور اس میں عام ...

بھٹکل تعلقہ ہاسپٹل رکھشا سمیتی کی میٹنگ میں وزیر منکال وئیدیا نے دیا تیقن : 250 بستروں والا اسپتال جلد ہوگا منظور

بھٹکل تعلقہ ہاسپٹل کے ہال میں ایڈمنسٹریٹیو میڈیکل آفیسر ڈاکٹر سویتا کامت کی صدارت میں منعقدہ ہاسپٹل رکھشا سمیتی کی میٹنگ میں ضلع انچارج وزیر منکال وئیدیا نے تیقن دیا کہ یہاں 250 بستروں والا ہاسپٹل جلد ہی منظور ہو جائے گا

بھٹکل پولیس گراونڈ میں راستے پر لگے بیریکیڈس - اسسٹنٹ کمشنر نے دیا 'جوں کی توں حالت' برقرار رکھنے کا حکم

پولیس میدان سے گزرنے والے عام پیدل راستے پر پولیس کی طرف سے لگائی گئی رکاوٹوں کے سلسلے میں بھٹکل اسسٹنٹ کمشنر ڈاکٹر نئینا نے اس زمین کا سروے مکمل ہونے تک جوں کی توں حالت برقرار رکھنے کے احکام جاری کیے

منگلورو میں طلباء کے والدین کو دھمکی والے فون کالس - پولیس کمشنر نے کہا : پولینڈ اور پاکستان کے کوڈ کا ہوا ہے استعمال

منگلورو شہر کے علاوہ سورتکل میں 11 اور 12 جون کو کالجوں میں زیر تعلیم طلباء کے والدین کو ان کے بچوں کے اغوا یا سنگین جرائم میں گرفتاری کی بات کہتے ہوئے تاوان کی رقم طلب کرنے کے  جو دھمکی والے فون کالس آئے تھے اس کے سلسلے میں پولیس کمشنر نے انوپم اگروال نے بتایا کہ فریب کاروں نے فون ...

بھٹکل میں وزیر منکال وئیدیا نے افسران سے کہا : کام کرنا ہے تو رہیں ورنہ دوسری جگہ چلے جائیں 

اسسٹنٹ کمشنر کے دفتر میں مانسون اور قدرتی آفات سے متعقلہ معاملات سے نمٹنے کے اقدامات کا جائزہ لینے کے لئے کل جو میٹنگ منعقد ہوئی تھی اس میں افسران سے خطاب کرتے ہوئے ضلع انچارج وزیر منکال وئیدیا نے کہا جن لوگوں کو کام کرنے میں دلچسپی ہے وہ لوگ یہاں رہیں اور جنہیں دلچسپی نہیں ہے ...

منگلورو : بی جے پی کارکنان کے خلاف کیس داخل کرنے میں کانگریس کا ہاتھ ہے ۔ کیپٹن چوتا کا الزام

دکشن کنڑا حلقے سے بی جے پی کے نومنتخب رکن پارلیمان کیپٹن برجیش چوتا نے کانگریس پر الزام لگایا کہ اس کے دباو کی وجہ سے بولیار چاقو زنی معاملے میں پولیس نے بی جے پی کارکنان پر کیس داخل کیا ہے ۔