بھٹکل29/فروری (ایس او نیوز) رات چار بجے کے وقت منکی کے ایک گاؤں ’موگلی‘میں گائے کے بچھڑے کی چوری کرنے کی کوشش میں مصروف بھٹکل کے چار نوجوانوں کو مقامی لوگوں نے رنگے ہاتھوں دھر دبوچا ہے اور پھر ان کی پیٹائی کرنے کے بعدانہیں منکی پولیس کے حوالے کردیا گیا ہے۔ مویشی چرانے کے لئے استعمال ہونے والی کار کے شیشے بھی توڑ دئے گئے ہیں جسے بعد میں پولیس نے ضبط کرلیا ہے۔

معلوم ہوا ہے کہ ایک ہفتے پہلے اسی گاؤں سے ایک گائے چوری کرکے کار میں ڈال کر چور موقع پر سے فرار ہوگئے تھے۔اس کے علاوہ اطراف کے دوسرے گاؤں سے بھی مویشی چوری ہوجانے کی شکایت روزانہ سننے کو مل رہی تھیں۔ اس لئے مقامی لوگوں نے رات کو پہرا دینے کا منصوبہ بنایا اور پھر جب موگلی میں یہ نوجوان گائے کو بریڈ کھلا کر رسی سے باندھنے کی کوشش کررہے تھے تو اس وقت لوگوں نے ان کو پکڑ لیا۔

ملزمین کی شناخت محمد عادل ڈوبال، محمد رحین، محمد رحیق، رضوان عبدالرشید کے طور پر کی گئی ہے۔