شارجہ، 8؍نومبر (ایس او نیوز؍ایجنسی)  آئی سی سی ٹی ٹوئنٹی ورلڈکپ کے آخری گروپ میچ میں پاکستان نے اسکاٹ لینڈ کو 72 رنز سے شکست دے دی، پاکستان وہ واحد کرکٹ ٹیم ہے جس نے ٹی ٹوئنٹی ورلڈ کپ میں ایک  بھی میچ میں شکست نہیں کھائی ہے۔

شارجہ میں کھیلے جانے والئے ٹی ٹوئنٹی ورلڈ کپ میچ میں پاکستان نے بہترین کارکردگی کا مظاہرہ کیا، جس میں پاکستانی کرکٹ ٹیم کے بولر شاداب خان نے 2حسن ، حارث اور شاہین آفریدی نے ایک ایک وکٹ حاصل کی، پاکستان نے پہلے کھیلتے ہوئے 4وکٹوں پر 189رنز بناکر اسکالینڈ کو 190رنز کا ہدف دیا تھا۔

ٹی ٹوئنٹی ورلڈکپ سپر 12 کے مرحلے میں پاکستان نےاسکاٹ لینڈ کے خلاف  ٹاس جیت کر پہلے بیٹنگ کا فیصلہ کیا، شعیب ملک نے دھواں دھار بیٹنگ کرتے ہوئے راہول کی تیز ترین نصف سنچری کا ریکارڈ برابر کردیا۔

پاکستان کرکٹ ٹیم کے کھلاڑی نے  نصف سنچری میں 6چھکے اور ایک چوکا  لگایا،شعیب ملک نے 18گیندوں پر 54رنز بنائےاور کپتان بابراعظم 66رنز بناکرنمایاں رہےجبکہ محمد حفیظ 31،فخر زمان8،محمد رضوان  15اور آصف علی نے 5رنز بنائے۔

اسکاٹ لینڈ کے بولر کرس گریوز  نے 2 ، سفیان شریف اور حمزہ طاہر نے ایک ،ایک کھلاڑی کو آوٹ کیا تھا جبکہ پاکستان کے خلاف اسکاٹ لینڈ کی پہلی وکٹ 23رنز پر گرگئی، کائل کوئٹرز 9رنز بناکر آؤٹ  ہوگئے تھے، دوسری وکٹ 36رنز پر اور تیسری وکٹ 41رنز پر گرگئی تھی، جارج منسے  بھی 17رنز بناکر آؤٹ ہوگئے تھے ۔