کاروار:5؍جون(ایس اؤ نیوز)شہر میں ضلع پنچایت کے چیف اکاؤنٹنٹ دفتر کی تین منزلہ عمارت کی نچلی منزل میں سنیچر کی صبح اچانک آگ لگنے سے دفتر میں موجود دستاویزات، ٹی وی سمیت کئی اشیاء جل کر خاک ہونے کاواقعہ پیش آیا ہے۔

ابتدائی جانچ سے پتہ چلا ہےکہ عمارت میں  شارٹ سرکیوٹ سے آگ لگی ہے۔ اس سلسلےمیں ضلع پنچایت کی سی ای اؤ پریانگا نے اخبارنویسوں کو بتایاکہ ابتداء میں عمارت کے ’کے۔سوان ‘ کمرےمیں آگ نظر آئی ، لکڑی کے سبھی اشیاء جل گئے ہیں، فائر برگیڈکا عملہ  آگ کو پھیلنے سے روکنےمیں کامیاب ہوئے ہیں، میں نے عمارت کے اندر جا کر معائنہ کیا ہے ۔ کئی دستاویزات اور کمپیوٹر عمارت کی تیسری منزل پر ہونے سے انہیں کوئی نقصان نہیں پہنچا ہے۔ آگ حادثے کے متعلق جانچ کئےجانےکی بات  کہی۔ اس موقع پر اترکنڑا ڈپٹی کمشنر ملئی مہیلن نے عمارت پہنچ کر معائنہ کیا ۔