اُڈپی میں طالب علم نے کر لی خود کشی - امتحان گاہ میں موبائل استعمال کرتے ہوئے پکڑے جانے کا شاخسانہ
اُڈپی، 18 فروری (ایس او نیوز): منی پال کے ایک کالج میں امتحان کے دوران موبائل فون کا استعمال کرتے ہوئے پکڑے جانے والے ایک طالب علم نے المناک طور پر اپنے کلاس روم سے چھلانگ لگا کرخود کشی کر لی۔
مہلوک طالب علم کی شناخت ستیم سومن (20) کے طور پر کی گئی ہے جو بہار کا رہنے والا ہے۔اطلاع کے مطابق یہ واقعہ جمعہ کی دوپہر کو کالج میں جاری امتحان کے دوران پیش آیا۔ جب سومن کو امتحان کے نگراں کار نے امتحانی قواعد کی خلاف نقل نویسی کے لئے موبائل فون کا استعمال کرتے ہوئے پایا۔ پکڑے جانے پر اسے امتحان ہال سے نکل جانے کو کہا گیا ۔ اس صورت حال سے پریشان ستیم سومن نے کالج کی چھٹی منزل سے چھلانگ لگانے کا المناک فیصلہ کیا جس کے نتیجے میں اس کی موت واقع ہو گئی ۔
منی پال پولیس نے اس ضمن میں کیس درج کر لیا ہے ۔