بھٹکل 7 جنوری (ایس او نیوز) بھٹکل تعلقہ کے بیلکے میں ایک 17 سالہ طالبہ اپنے ہی گھر کی چھت پر لٹکتی ہوئی پائی گئی، جس کے تعلق سے بتایا گیا ہے کہ اس نے کسی بات سے پریشان ہوکر خودکشی کرلی ہے۔ طالبہ کی شناخت بیلکے کی رہائشی کاونا منجوناتھ نائک کی حیثیت سے کی گئی ہے۔

پتہ چلا ہے کہ جمعہ صبح کاونا معمول کے  مطابق پڑوسی علاقہ بیندور کی سرکاری کالج گئی تھی، شام کو واپس گھر آنے کے بعد کمرے میں چھت سے لٹکتی پائی گئی۔ بتایا گیا ہے کہ جس وقت یہ واردات پیش آئی، اُس وقت گھر پر کوئی موجود نہیں تھا۔ پتہ چلا ہے کہ  اپنے ہی دوپٹے کو اس نے پھانسی کے لئے استعمال کیا تھا۔ وہ پی یو سی اول کی طالبہ تھی۔

خودکشی کرنے کی وجہ سمجھ میں نہیں آئی ہے۔

بھٹکل مضافاتی پولس تھانہ میں معاملہ درج کیا گیا ہے اور پولس جانچ کررہی ہے۔