آئرلینڈ نے عالمی چیمپئن انگلینڈ کو سیریز کے تیسرے اور آخری یک روزہ میچ میں 7 وکٹوں سے شکست دی

Source: S.O. News Service | Published on 5th August 2020, 1:07 PM | اسپورٹس |

ساوتھمپٹن،5؍اگست (ایس او نیوز؍ایجنسی)  کپتان اینڈی بال برنی (113) اور افتتاحی بلے باز پال اسٹارلنگ (142) کی شاندار سنچریوں کی بدولت آئرلینڈ نے عالمی چیمپئن انگلینڈ کو سیریز کے تیسرے اور آخری یک روزہ میچ میں سات وکٹوں سے ہراکر زبردست کامیابی حاصل کی ہے۔

حالانکہ انگلینڈ نے تین میچوں کی سیریز 1۔2 سے جیت لی ہے۔ سیریز کے آخری ون ڈے میں 329 رنوں کے وسیع ہدف کا تعاقب کرنے میدان میں اترے آئرلینڈ کے بلے بازوں نے شاندار بلے بازی کا مظاہرہ کیا اور انگلینڈ کے گیندبازوں کو کوئی موقع نہ دیتے ہوئے 49.5 اووروں میں تین وکٹیں گنوا کر فتح حاصل کرلی۔ میچ آخری اوور تک بہت ہی دلچسپ رہا۔

سلامی بلے باز اسٹارلنگ نے طوفانی 142 رنوں میں نو چوکے اور چھ چھکے لگائے۔ کپتان بال برنی نے بھی بخوبی ساتھ نبھاتے ہوئے 113 رنوں میں 12 بہترین چوکے لگائے۔ آئرلینڈ کے 50 رن کے اسکور پر ڈیلنی (12) کی شکل میں پہلا جھٹکا لگا ۔ لیکن اس کے بعد دونوں بلے بازوں نے انگلینڈ کے گیندبازوں کو کوئی موقع نہیں دیا اور محتاط انداز میں کھیلتے ہوئے ٹیم کو فتح کے قریب پہنچادیا۔ ایک جانب اسٹارلنگ نے تیز رن بنائے تو دوسری جانب کپتان بال برنی نے بہترین کھیل کا مظاہرہ کیا۔ دوسرے وکٹ کے لئے بال برنی اور اسٹارلنگ کے درمیان 214 رنوں کی شراکت داری رہی۔ اس کے بعد ہیری ٹیکٹر اور کیون اوبرائن نے میچ کے آخری اووروں میں بالترتیب 29 اور 21 رنوں کی ناقابل شکست اننگز کھیل کر ٹیم کو تاریخی فتح دلائی۔

انگلینڈ کی جانب سے ڈیوڈ ویلی اور عادل راشد نے ایک ایک وکٹ حاصل کیا۔ ویلی نے ڈیلنی کو بولڈ آؤٹ کیا جبکہ راشد نے بال برنی کو کیچ آؤٹ۔ وہیں کررین نے اسٹارلنگ کو رن آؤٹ کیا۔ قبل ازیں کپتان ایون مورگن (106) کی شاندار سنچری، ٹام بینٹن (58) اور ڈیوڈ ویلی (51) کی نصف سنچریوں کی مدد سے انگلینڈ نے پہلے بلے بازی کرتے ہوئے 49.5 اوور میں 328 رنوں کا مجموعی اسکور بنایا اور آئرلینڈ کو جیت کے لئے 329 رنوں کا مشکل ہدف دیا تھا۔

آئرلینڈ نے ٹاس جیت کر پہلے فیلڈنگ کرتے ہوئے محض 44 رنوں پر انگلینڈ کے تین وکٹ گرا دیئے لیکن اس کے بعد مورگن نے کپتان کی ذمہ داری نبھاتے ہوئے باری کھیلی۔ مورگن نے صرف 84 گیندوں میں 15 چوکے اور چار چھکوں کی مدد سے 106 رن بنائے۔ مورگن کی 239 ویں یک روزہ میچ میں یہ 14 ویں سنچری تھی۔

مورگن نے بینٹن کے ساتھ چوتھی وکٹ کے لئے 146 رنوں کی مضبوط اننگز کھیلتے ہوئے انگلینڈ کو ایک مضبوط پوزیشن پر پہنچادیا۔ مورگن چوتھے بلے باز کے طور پر 190 کے اسکور پر آؤٹ ہوئے جبکہ بینٹن پانچویں بلے باز کی حیثیت سے 202 کے اسکور پر آؤٹ ہوئے۔ بینٹن نے 51 گیندوں میں 58 رن بناتے ہوئے چھ چوکے اور ایک چھکا لگایا۔

ویلی نے ٹام کیرن کے ساتھ آٹھویں وکٹ کے لئے 73 رن بنائے۔ ویلی نے 42 گیندوں میں 51 رن کے اسکور میں تین چوکے اور تین چھکے لگائے۔ کیرن 54 گیندوں پر چار چوکوں کی مدد سے 38 رن بناکر ناٹ آؤٹ رہے۔ آئرلینڈ کی جانب سے کریگ ینگ نے 53 رن دے کر تین وکٹیں حاصل کیں جبکہ جوش لٹل نے 62 رن دے کر دو وکٹیں اور کرٹیس کیمفر نے 68 رن دے کر دو وکٹیں حاصل کی ہیں۔

ایک نظر اس پر بھی

جب گیند ہاتھ میں ہوتی ہے تو ایسا لگتا ہے کہ میں راجہ ہوں: محمد شامی

طویل انتظار کے بعد آخر کار انڈین پریمیر لیگ کا 13 واں سیزن 19 ستمبر سے متحدہ عرب امارات میں شروع ہونے جارہا ہے۔ کے ایل راہل کی قیادت میں کنگز الیون پنجاب کی نظرپہلی بار خطاب پر ہے۔ تاہم کنگز الیون پنجاب کے لئے فاسٹ بولر محمد شامی کی کارکردگی سب سے زیادہ اہم ہوگی۔ محمد شامی نے کہا ...

ای سی بی کو کورونا کی وجہ سے ہوا بڑا نقصان،20 فیصد ملازمتوں میں ہوگی کمی

کورونا وائرس کی وجہ سے گزشتہ6 ماہ میں کرکٹ کو بہت نقصان اٹھانا پڑا ہے۔ انگلینڈ اور ویلز کرکٹ بورڈ کی ٹیم چار ماہ بعد میدان میں واپس آئی، لیکن اس کے باوجود کووڈ کی وجہ سے ای سی بی معاشی طور پر سب سے زیادہ متاثر ہوا ہے۔ ای سی بی اپنے عملے میں 20 فیصد کمی کرے گا جو 62 ملازمتوں کے مترادف ...

آئی پی ایل 2020: کوچ کمبلے نے کہا: کرس گیل کا کردار اہم ہوگا

کنگز الیون پنجاب کی نظر انڈین پریمیر لیگ کے 13 ویں سیزن میں پہلی بار ٹائٹل جیتنے پر ہے۔ انیل کمبلے کنگز الیون پنجاب کی کوچنگ کررہے ہیں، جبکہ کے ایل راہل کی شاندار فارم کو دیکھتے ہوئے کپتانی کی ذمہ داری سونپی گئی ہے۔ انیل کمبلے نے انکشاف کیا ہے کہ رواں سیزن میں 41 سالہ کرس گیل کا ...

رونالڈو نے بین الاقوامی فٹ بال میں لگائی سنچری،عالمی ریکارڈ کے لیے مزید9 گول کی ضرورت

اسٹار اسٹرائیکر کرسٹیانو رونالڈو بین الاقوامی فٹ بال میں 100 گول اسکور کرنے والے دنیا کے دوسرے فٹ بالر بن گئے۔ منگل کو پرتگال کی نیشنل لیگ میں سویڈن کے خلاف 2-1 سے فتح کے دوران رونالڈو نے یہ کارنامہ انجام دیا۔35 سالہ رونالڈو نے فری کک پر 25 میٹر کے فاصلے سے ٹیم کا پہلا گول اسکور ...