کرناٹک اور تمل ناڈو میں شیروں کیلئے اقدامات، سنسس اور انفراسٹرکچر کی فراہمی کیلئے سرویس ٹرسٹ کا تعاون
بنگلورو،20؍دسمبر(ایس او نیوز) سندرم کلیٹن لمیٹیڈ اور ٹی وی ایس موٹر کمپنی کا سماجی خدمات کا شعبہ سرینواس سرویس ٹرسٹ(ایس ایس ٹی) نے اپنی خدمات کو آگے بڑھاتے ہو ئے شیروں کی گنتی (سنس) کے کام میں تعاون کرتے ہو ئے 20 عدد سرچ لائٹس،100عددفینکس ٹی آر16سرچ لائٹس،25کیمرہ ٹریپس،12عدد جی ایس میموری کارڈس، 360رین کوٹ عملہ کے لئے،پروجکٹر اور دیگر آلات فراہم کئے ہیں۔ٹرسٹ کرناٹک اور تمل ناڈو میں شیروں کی حفاظت اور ان کے لئے محفوظ ٹھکانے بنا نے میں مدد کررہا ہے۔اس کے علاوہ جنگلی جانوروں کو پانی اور ضروری اشیاء کی فراہمی کے لئے تعاون کر رہا ہے۔اس ٹرسٹ نے کرنا ٹک میں 2021کے دوران شیروں کی حفاظت کے لئے57لاکھ روپئے کا سرمایہ لگا یا ہے،اس کے علاوہ ایس ایس ٹی ٹرسٹ کنزرویشن پروگرام کے لئے فیلڈ ڈائرکٹروں کے ساتھ تعاون کررہا ہے۔ سرینواس سرویس ٹرسٹ،بی آر ٹی ٹائیگر ریزرو میں جانوروں کی حفاظت کے کام میں تعاون کر رہا ہے۔ جس میں دورہ کرنے والوں کے لئے کیمپ 6جنگل میں ریسٹ ہاوز کی سہو لت،شکاریوں سے تحفظ اور قبائیلوں کے لئے آمدنی کے ذرائع بنا یا و غیرہ شامل ہیں۔
