سرسی سرکاری ڈگری کالج طالبہ کےاغواء کاری معاملے میں اہم ملزم گرفتار
سرسی:20؍نومبر(ایس اؤ نیوز) چار روز پہلے سرسی سرکاری ڈگری کالج کے قریب سے کالج طالبہ کو اغواء کئے گئے معاملے میں پولس نے اہم ملزم کو گرفتارکرلیا ہے اور اغواء شدہ لڑکی کو پولس نے بنگلورو سے بحفاظت گھر واپس پہنچا دیا ہے۔ پولس ذرائع سے پتہ چلا ہے کہ پولس کو اغوا کے سلسلے میں مزید دوملزموں کی تلاش جاری ہے۔
گرفتار شدہ ملزم کی شناخت ہونپا پُٹپا دیامنکوپا کالنگی کے طورپر کی گئی ہے۔ چار دن پہلے تین ملزم سفید کار پر سوار سرکاری ڈگری کالج کے قریب والی کراس پر پیدل جارہی کالج طالبہ کا اغواء کیا تھا۔ معاملے کو لےکر طالبہ کی والدہ نے دیہی پولس تھانےمیں شکایت درج کروائی تھی۔ معاملے کو چیلنج کے طورپر لیتے ہوئے پولس نے فوری طورپر ملزموں کی تفتیش میں جٹ گئی اور اہم ملزم کو گرفتار میں کامیاب ہوگئی۔
پولس نے بتایا کہ گرفتارشدہ ہونپا اپنے ساتھیوں کے ساتھ لڑکی کو اغواء کرنےکے بعد بنگلورو لے گیا جہاں زبردستی ایک مقام پر قید میں رکھ کر فرار ہونےکی کوشش میں تھا۔ اسی دوران پولس کو مصدقہ اطلاع ملنےپر جائے وقوع پر پہنچ کر ملزم کو گرفتارکیا اور لڑکی کی حفاظت کی۔ اغواء کے پیچھےکا مقصد تلاش کرنےمیں جٹی پولس کو پتہ چلا ہے کہ ہونپا کالج طالبہ سےشادی کرنا چاہتاتھا اسی مقصد کو لےکر اس نے لڑکی کو اغواء کیا تھا۔ لیکن لڑکی نے ان سب باتوں سے انکار کیا جس سے معاملہ پیچیدہ ہوگیا ۔