سرسی میں بی جے پی امیدوار اننت کمارہیگڈے کی کارکنان کے ساتھ میٹنگ : بی جے پی کارکنان ملک کے لئے کام کررہے ہیں
سرسی:30؍مارچ (ایس او نیوز)پارٹی کارکنان حلقہ میں میرے پیغام کے مطابق کا م نہیں کررہے ہیں بلکہ ملک، وزیر اعظم نریندرمودی ، پارٹی کا نظریہ سمجھ کر پارٹی کی جیت کے لئے کام کرنے کا شمالی کینرا پارلیمانی حلقہ کے بی جے پی امیدوار ننت کمار ہیگڈے نے خیال ظاہر کیا۔
وہ یہاں کارکنان کی میٹنگ میں بات کرتے ہوئے کہاکہ ہر ایک بوتھ پر پہلے مرحلے کے اشتہار کا کام ختم ہوچکا ہے، ووٹنگ سے پہلے چار مرحلوں میں اشتہاربازی کرنے کی بات کہی۔ پارٹی کارکنان بوتھ لیول کے ہرگھر پر پہنچ کر منصوبہ بند طریقے سے کام انجام دے رہےہیں۔ نظریاتی اور وفاداری سے کوئی سمجھوتا کئے بغیر ابھی تک عوام نے میری پرورش کی ہے، وہی میری سب سے بڑی طاقت ہے۔ اس مرتبہ بھی بی جے پی امیدوار سے زیادہ پارٹی کارکنان ، عوام آگے ہیں۔ پارٹی کے اشتہار کو لے کر وہی خود سرگرم ہیں، ہم تو صرف ان کا ساتھ دے رہے ہیں۔ 70برسوں کے بعد عوام کو محسوس ہورہاہے کہ ایک حکومت کام کررہی ہے۔ اس مرتبہ رائے دہندگان بی جے پی کو ضرور جیت دلانے کی بات کہی۔
کانگریس جے ڈی ایس کے مشترکہ امیدوار آنند اسنوٹیکر کے متعلق انہوں نےکہاکہ ’’ آنند اسنوٹیکر ایک ساتھ تنقید کررہے ہیں انتخابات سے پہلے ہی ان کے پاس موجود خزانہ خالی ہوجائے گا۔انتخابات کے لئے ابھی بہت دن باقی ہیں، اس لئے بہتر ہے کہ وہ آہستہ سے الزام تراشی کریں ۔ ایک ساتھ چیخ پکار کرنا اچھا نہیں ہے‘‘۔
ایل جی رائیکر نے بھی کارکنان سے خطاب کیا۔ اس موقع پر ارون ، وینا شٹی ، گنپتی نائک ، نند ساگر ، رتیش وغیرہ موجود تھے۔