بنگلورو،10؍اپریل (ایس او  نیوز ) کرناٹک کے سابق وزرائے اعلیٰ  سدارامیا اور ایچ ڈی کمارسوامی نیز مصنف کے ویر بھدر پا سمیت 64 لوگوں کو ایک ہندو شدت پسند تنظیم کی طرف سے جان سے مارنے کی دی گئی دھمکی کو سنجیدگی سے لیتے ہوئے پولیس ان بھی کو سکیورٹی دینے پر غور کر رہی ہے ۔

سوشل میڈ یا پر وائرل پوسٹ میں کہا گیا ’’ موت تمہارے آس پاس منڈلا رہی ہے ،مرنے کے لئے تیار ہو جاؤ تم تباہی کے راستے پر چل رہے ہو ۔ تم موت کے دہانے پر کھڑے ہو تمہیں تیار رہنا چاہئے ۔موت تم تک الگ الگ راستوں سے آسکتی ہے ۔اپنے خاندان والوں کو بتادواور آخری رسم کی تیاری کرو ۔ یہ پیغام مبینہ طور پر سمبیشنو ہندو کے نام سے ان تک پہنچا ہے ۔

کماراسوامی نے ریاستی حکومت سے اپیل کی ہے کہ اس دھمکی کو بلکے میں نہ لیا جائے اور کرناٹک میں’ فرقہ وارانہ صف بندی‘  کے سلسلے میں حکومت کی خاموشی پر سوال اٹھانے والے ویر بھدر سمیت مصنفوں کو سکیورٹی مہیا کی جائے۔  کمارسوامی نے کہا کہ کنڑ ا مصنف پروفیسر ایم ایم کلبرگی سے قتل جیسے واقعات دہراۓ نہیں جانے چاہئیں ۔ حجاب معاملے میں کر نا ٹک ہائی کورٹ کے فیصلے کے تنظیموں نے احتجاجی مظاہرہ کیا تھا جس کے جواب میں ہندو  تنظیموں  نے مندروں میں مسلم تاجروں ،حلال گوشت اور لاؤڈ اسپیکروں پر پابندی کا مطالبہ کیا ہے ۔

کانگریس اور جنتا دل (ایس ) سمیت اپوزیشن پارٹیوں نے بی جے پی حکومت پر الزام لگاتے ہوئے کہا ہے کہ وہ فرقہ وارانہ نفرت بڑھانے میں ان تنظیموں کا ساتھ دے رہی ہے۔