بھٹکل میں کورونا کے سات معاملات کی تصدیق؛ منگل کو 85 متاثرین صحت یاب ہوکراسپتال سے ہوئے تھے ڈسچارج؛ ضلع میں 71 لوگوں کو ہوم ایسولیشن
بھٹکل 29 جولائی (ایس او نیوز) آج بدھ کو بھٹکل میں کورونا کے سات معاملات کی تصدیق ہوئی ہے جس میں کریکل علاقہ سے تین، وی ٹی روڈ، ناگپا نائک روڈ، کائیکنی اور سونارکیری سے ایک ایک کی رپورٹ کورونا پوزیٹیو آئی ہے۔ آج پوزیٹیو آنے والوں میں ایک 66 سالہ عمر رسیدہ شخص کے ساتھ ساتھ ایک دو سالہ بچہ بھی شامل ہے۔
منگل کو 85 متاثرین ڈسچارج: کل منگل کو ضلع اُترکنڑا کے مختلف علاقوں کے 85 کورونا متاثرین صحت یاب ہوکر گھر پہنچے جبکہ منگل کو ضلع بھر سے 47 لوگوں کی رپورٹ پوزیٹیو آئی تھی۔ منگل کو دو لوگوں کی کورونا سے موت بھی واقع ہونے کی اطلاع ملی ہے جس میں ایک 65 سالہ شخص کا تعلق کاروار سے اور ایک 75 سالہ شخص کا تعلق کاروار سے تھا۔ بتایا گیا ہے کہ دونوں کو نمونیا تھا اور کاروار کمس میں علاج چل رہا تھا ، مگر منگل کو دونوں چل بسے۔
ہوم ایسولییشن: ضلع اُترکنڑا میں جملہ 71 کورونا پوزیٹیو آنے والوں کو کسی بھی طرح کی علامات نہ ہونے کی وجہ سے گھروں پر ہی الگ تھلک رکھا گیا ہے اس میں سرسی میں 25، بھٹکل میں 19، کمٹہ میں 9، انکولہ میں 8، کاروار میں 5، ہوناور میں 3 اور ہلیال میں 2 لوگ شامل ہیں۔
اسی طرح ہلیال میں 269، بھٹکل میں 103، کاروار میں 72، سرسی میں 51، کمٹہ میں 31، ہوناور میں 26، منڈگوڈ میں 25، انکولہ میں 24، یلاپور میں 18،سداپور میں 9 اور جوئیڈا میں 5 لوگوں کو اسپتال/کوویڈ کیئر سینٹر میں الگ تھلگ رکھا گیا ہے۔