سرینا ولیمز 24 گرینڈ سلیم خطاب کے ریکارڈ سے ایک قدم دور

Source: S.O. News Service | Published on 7th September 2019, 12:23 PM | اسپورٹس |

نیویارک،7؍ستمبر (ایس او نیوز؍یو این آئی)  23 بار کی گرینڈ سلیم فاتح امریکہ کی سرینا ولیمز اور 15 ویں رینکنگ والی کینیڈا کی بیانکا اندریسکو سیمی فائنل کے اپنے اپنے مقابلے جیت کر سال کے آخری گرینڈ سلیم یو ایس اوپن کے فائنل میں پہنچ گئی ہیں۔ سرینا ابھی آسٹریلیا کی مارگریٹ کورٹ کے 24 گرینڈ سلیم خطابات کے ریکارڈ کی برابری کرنے سے ایک قدم دور رہ گئی ہیں۔

عالمی درجہ بندی میں آٹھویں نمبر پر موجود سرینا نے زبردست مظاہرہ کرتے ہوئے پانچویں درجہ بندی کی یوکرائن کی ایلینا سویتلانا کو یک طرفہ انداز میں جمعرات کو سیدھے سیٹوں میں 6-3، 6-1 سے شکست دے کر اپنی برتری ثابت کی اور 10 ویں بار یو ایس اوپن کے فائنل میں جگہ بنانے میں کامیاب رہیں۔

دیگر سیمی فائنل مقابلے میں کینیڈا کی بیانکا اندریسکو نے 12 ویں رینکنگ سوئٹزرلینڈ کی بیلنڈا بیسچ کو سخت مقابلے میں 7-6، 7-5 سے شکست دے کر پہلی بار یو ایس اوپن کے فائنل میں داخل ہ حاصل کیا ۔37 سالہ سرینا ابھی مارگریٹ کے 24 گرینڈ سلیم ٹائٹل کی برابری کرنے سے ایک قدم دور رہ گئی ہیں۔ سرینا نے سال کے تیسرے گرینڈ سلیم ومبلڈن کے فائنل میں بھی جگہ بنائی تھی جہاں انہیں رومانیہ کی سمونا ہالیپ کے ہاتھوں شکست کا سامنا کرنا پڑا تھا۔

سمونا نے یہ مقابلہ 6-2، 6-2 سے جیتا تھا۔ اس شکست سے سرینا کا انتظار بڑھ گیا تھا لیکن وہ ایک بار پھر اس ریکارڈ کی برابری کرنے کی دہلیز پر پہنچ گئی ہیں۔سرینا نے یو ایس اوپن کے خطاب کو چھ بار جیتا ہے۔ انہوں نے آخری بار یہ خطاب 2014 میں جیتا تھا۔ سرینا کا آخری گرینڈ سلیم ٹائٹل 2017 میں آسٹریلین اوپن تھا۔

سرینا نے سویتلانا کو محض ایک گھنٹے 10 منٹ میں ہی شکست دی۔ سرینا کے خلاف میچ میں سویتلانا کہیں بھی نہیں ٹک سکیں۔ پہلے سیٹ میں انہوں نے تھوڑی کوشش ضرور کی لیکن دوسرے سیٹ میں سویتلانا نے سرینا کے سامنے مکمل طور پر ہتھیار ڈال دیئے۔ومبلڈن رنر اپ سرینا نے میچ میں 34 ونرس لگائے جبکہ سویتلانا نے 11 ونرس لگائے۔ چھ بار کی چمپئن سرینا نے چھ اور سویتلانا نے پانچ ایس لگائے۔ سرینا نے میچ میں 20 بے جا بھولیں کی۔ سویتلانا نے 11 بے جا بھولیں کی۔

ایک نظر اس پر بھی

پاکستان کے آل راؤنڈرشاہد آفریدی کے گھر پانچویں بیٹی کی پیدائش

پاکستان کے آل راؤنڈر شاہد آفریدی کے یہاں پانچویں بیٹی کی پیدائش ہوئی ہے۔ شاہد آفریدی نے سوشل میدیا پر اپنی بیٹیوں کی تصویر شیئر کرتے ہوئے لکھا ہے کہ میں یہ خوشخبری اپنے چاہنے والوں کے ساتھ شیئر کر رہا ہوں۔

انڈر 19 ورلڈ کپ: بنگلہ دیش نے پہلا ورلڈ کپ خطاب جیت کر رقم کی تاریخ ، پانچویں مرتبہ چمپئن بننے کا ہندوستان کا خواب ٹوٹا

آئی سی سی کا یہ مسلسل دوسرا ورلڈ کپ فائنل تھا ، جو انتہائی سنسنی خیز رہا ۔ انگلینڈ میں 2019 میں کھیلے گئے ون ڈے ورلڈ کپ کی سنسنی خیزی تو تاریخ کے سنہرے اوراق میں درج ہوگئی ، ساتھ ہی ہندوستان اور بنگلہ دیش کے درمیان انڈر 19 ورلڈ کپ کا خطابی مقابلہ بھی لمحہ لمحہ شائقین کے دلوں کی ...

350 ویں جیت کے ساتھ نیوزی لینڈ کا سیریز پر قبضہ

مارٹن گپٹل (79) اور راس ٹیلر (ناٹ آوٹ 73) کی نصف سنچری اننگز کے بعد گیند بازوں کی شاندار کارکردگی سے نیوزی لینڈ نے ہندوستان کو آج دوسرے ون ڈے میچ میں 22 رنز سے شکست دے کر دو۔صفر سے سیریز پر ناقابل تسخیر برتری حاصل کر لی۔نیوزی لینڈ کی یہ اس کی ون ڈے تاریخ میں 350 ویں جیت ہے۔

نیوزی لینڈ نےہندوستان کو شکست دے دی،راس ٹیلرکی شاندار سنچری

جارح بلے باز راس ٹیلر کی ناقابل شکست 109رن کی شاندار سنچری اور سلامی بلے باز ہنری نکولس (78) اور کپتان ٹام لاتھم (69) کی بہترین نصف سنچریوں کی بدولت نیوزی لینڈ نے ہندوستان کو پہلے ایک روزہ میچ میں بدھ کے روز چار وکٹ سے ہرا کر تین میچوں کی سیریز میں 0۔1 کی سبقت حاصل کرلی۔